2017年8月1日 星期二

【獨家】惠州政協陳小春隨地扔煙頭 孖王合喜嘆米芝蓮拉麵 __,小春,惠州政協,王合喜,陳小春,

50歲嘅陳小春近年踏足內地政壇,14年擔任惠州市嘅特聘政協委員。雖然身份地位唔同咗,但陳小春依然係陳小春,舉手投足都係同20年前嘅「山雞」一樣咁有江湖 ...


50歲嘅陳小春近年踏足內地政壇,14年擔任惠州市嘅特聘政協委員。雖然身份地位唔同咗,但陳小春依然係陳小春,舉手投足都係同20年前嘅「山雞」一樣咁有江湖味道。上月23日,陳小春同前香港奧運滑浪風帆代表王凱韋(原名王合喜)現身中環歌賦街,小春着住一件藍色鬆身T恤,但仍見到佢肚凸凸,有啲中年發福,反而同樣係50歲嘅王合喜身形冇乜走樣。佢哋行入一間米芝蓮星級拉麵店食嘢,當時係下午五點幾,未到晚飯時間,所以唔使排長龍,小春同王合喜一入店內就好熟架步,直行到巷尾一個暗角位坐,約20分鐘,佢哋已經食完埋單走人。離開拉麵店後,小春同王合喜就沿住九如坊方向取車,途中王合喜最先煙癮起,從褲袋攞咗一包煙,小春就一邊行一邊撩牙。佢哋行到車附近,就企喺行人路旁一齊食煙,吹下水,仲講到昂高頭,似乎講近附近嘅樓。食完飯後煙,兩人就行過對面馬路上車,期間小春同王合喜都順勢將手上嘅煙頭掉落地下,而且仲冇整熄支煙,似乎好危險同欠缺公德心。

(攝影:畢紹基、徐錦池) 50歲嘅陳小春近年踏足內地政壇,14年擔任惠州市嘅特聘政協委員。 佢哋行到車附近,就企喺行人路旁一齊食煙,吹下水,仲講到昂高頭,似乎講近附近嘅樓。
陳小春同前香港奧運滑浪風帆代表王合喜現身中環歌賦街。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...