掃呢頁CODE去手機

2017年8月25日 星期五

歐聯:歐聯 曼聯紅軍抽好籤 皇馬衞冕遇阻力 __,曼聯,

(歐聯官網圖片)即上英超刨績王:http://win.on.cc/epl 力爭三連霸,衞冕皇馬於歐聯抽籤抽入死亡之組!歐聯32強抽籤於周四深夜舉行,皇 ...


(歐聯官網圖片)


即上英超刨績王:http://win.on.cc/epl 

力爭三連霸,衞冕皇馬於歐聯抽籤抽入死亡之組!歐聯32強抽籤於周四深夜舉行,皇家馬德里被編H組,同組有多蒙特、熱刺及尼科西亞,雖然仍然係出線大熱,但絕對唔可以掉以輕心。西甲另一支勁旅巴塞隆拿,就會遇上上屆兩回合淨輸0:3兼亞軍祖雲達斯。今屆重返歐聯嘅英超雙紅曼聯同利物浦,就分別抽得上簽,如果兩軍打出水準,相信可以順利晉級。

皇馬上屆打破定律,成功衞冕歐聯冠軍,今季亦先聲奪人取得歐超盃及西超盃,雖然今夏冇買入星級戰將,但舊有班底絕對夠殺。今次佢哋於H組將遇上近年老對手多蒙特,多仔係實力份子,同銀河艦隊快打快肯定好睇,而熱刺大戰皇馬,就意味着加里夫巴利將倒戈舊會,亦都勁有睇頭。

曼聯被編於A組,遇上賓菲加、巴素利及莫斯科中央陸軍,對紅魔嚟講,要作客俄羅斯可能係最大嘅挑戰。利物浦則鬥莫斯科斯巴達、西維爾及馬里博爾,紅軍如果唔再海鮮,力足同西維爾齊齊晉級。上季英超冠軍車路士被編到C組,將大戰馬體會及羅馬,絕對好戲連場。

至於擁有尼馬嘅巴黎聖日耳門,就要惡鬥拜仁,但同組安德列治及些路迪不足為懼,兩大班霸可以攜手出線。

除抽籤外,呢次歐洲足協亦頒發各個個人大獎,C朗、莫迪歷及沙治奧拉斯3個皇馬球員,分別取得上屆歐聯最佳前鋒、中場及後衞,而保方則取得最佳門將。C朗係上季風頭躉,佢亦成功攞埋歐洲最佳男子球員,可謂實至名歸。

A組

賓菲加(葡萄牙)、曼聯(英格蘭)、巴素利(瑞士)、莫斯科中央陸軍(俄羅斯)

B組

拜仁慕尼黑(德國)、巴黎聖日耳門(法國)、安德列治(比利時)、些路迪(蘇格蘭)

C組

車路士(英格蘭)、馬德里體育會(西班牙)、羅馬(意大利)、卡拉巴克(阿塞拜疆)

D組

祖雲達斯(意大利)、巴塞隆拿(西班牙)、奧林比亞高斯(希臘)、士砵亭(葡萄牙)

E組

莫斯科斯巴達(俄羅斯)、西維爾(西班牙)、利物浦(英格蘭)、馬里博爾(斯洛文尼亞)

F組

薩克達(烏克蘭)、曼城(英格蘭)、拿玻里(意大利)、飛燕諾(荷蘭)

G組

摩納哥(法國)、波圖(葡萄牙)、比錫達斯(土耳其)、RB萊比錫(德國)

H組

皇家馬德里(西班牙)、多蒙特(德國)、熱刺(英格蘭)、尼科西亞(塞浦路斯)

東網體育同你追實體壇每個精彩時刻! 

http://bit.ly/2ecTF2A 


來源 source: http://hk.on.cc
鍾意就快D Share啦!