網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年8月15日 星期二

【獨家】三女將齊集倫敦 洗米華前後背囊包抄漏夜上機 __,洗米華,周焯華,

又係你呀…周生?搭飛機如搭車嘅澳門賭業猛人周焯華(洗米華),近呢兩個月好鬼忙,既要o氹掂正印洗米嫂(陳慧玲Heidi),又要安撫身在英國嘅MandyL ...


又係你呀…周生?搭飛機如搭車嘅澳門賭業猛人周焯華(洗米華),近呢兩個月好鬼忙,既要o氹掂正印洗米嫂(陳慧玲Heidi),又要安撫身在英國嘅Mandy Lieu,仲唔知會唔會相約異性友人松岡李那見面,真係識分身術都唔得掂。嚟緊呢幾日,洗米華將會遇到三面「進擊」,先有洗米嫂陪大女梓潼飛英國開學,又有話松岡同時間要飛當地睇時裝騷,加埋一直駐紮喺倫敦嘅Mandy,一家團聚夠晒「熱鬧」。離「戰線」日子迫近,三女暫時都「按兵不動」,未見動靜,反觀洗米華,原來已經秘密動身出發去倫敦。前晚11點,《蘋果》讀者王小姐透過「爆相爆片」,見到洗米華一個人喺香港機場出現。王小姐表示:「當時見佢一個人快步行去入閘,個樣都好輕鬆,跟住我喺入面2號飛機閘口又見到佢,見佢搭CX251飛倫敦。」喺王小姐提供嘅短片,只見洗米華又係招牌全黑look出現,特別在喺前面同後面都揹住個背囊,造型夠晒破格!查實6月時,洗米華喺安以軒婚宴,攬住松岡李那跳辣身舞,當時有指激嬲Mandy Lieu,事後洗米華亦有動身飛去英國o氹Mandy,上月23號中午12點左右,有蘋果讀者就見到洗米華同Mandy喺Soho Theatre附近唐人餐廳撐枱腳。同時,發聲明同松岡撇清關係指對方係異性朋友。洗米華速速補鑊令Mandy收火(新聞連結:http://bit.ly/2hZyxRw ),轉頭洗米華又飛返澳門交人,陪洗米嫂出席福建同鄉晚宴。(新聞連結:http://bit.ly/2uFnVsJ )三女分隔三地就話難碰頭,o依家距離縮短咗,唔知會唔會咁橋撞到呢?

洗米華噚前晚11點,漏夜搭國泰飛倫敦。(圖片由讀者提供) 前面揹一個背囊。(圖片由讀者提供)
後面都揹咗個背囊。(圖片由讀者提供) (圖片由讀者提供) 上個月已經飛咗轉探Mandy。(資料圖片)
Mandy Lieu (資料圖片) 洗米華日前陪洗米嫂出席福建同鄉晚宴。(資料圖片) 有指松岡李那都會同時間飛去倫敦出席時裝展。 (資料圖片)

來源 source: http://s.nextmedia.com
鍾意就快D Share啦!