2017年8月5日 星期六

陳曼娜晒同溫拿世紀合照 __,溫拿,陳曼娜,

陳曼娜自揭與溫拿識於微時。樂隊溫拿成員陳友最近榮升為爺爺,陳友兒子陳良韋為BB舉行百日宴,唔少圈中好友都有到場祝賀,而藝人陳曼娜亦係座上客之一。陳曼娜 ...


陳曼娜自揭與溫拿識於微時。

樂隊溫拿成員陳友最近榮升為爺爺,陳友兒子陳良韋為BB舉行百日宴,唔少圈中好友都有到場祝賀,而藝人陳曼娜亦係座上客之一。

陳曼娜自揭與溫拿識於微時,特別係與陳友,多年來不時有家庭聚會。曾係麗的電視當紅花旦嘅陳曼娜,與溫拿曾有「世紀合照」,就係當年眾人喺麗的門外拍攝,當時陳曼娜遇上當紅嘅溫拿樂隊,因而結緣,一直保持聯絡至今,陳曼娜說:「以前我去電台錄節目,陳友好好人,幫我睇住仔仔。」問到送咗咩禮物畀陳友祝賀對方抱孫?陳曼娜坦言為人實際,封咗大利是畀對方,等佢鍾意買乜就買乜!另外,陳曼娜透露自己月尾亦會榮升為外婆,女兒鄭祖兒將誕下外孫女:「好開心就嚟做婆婆,好期待可以同佢扮靚靚!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...