2017年8月15日 星期二

謝安琪抱實囡囡玩水晒臂 仔仔喜感十足 __,謝安琪,

呢兩張相都係張繼聰操刀,一張勁溫情,一張勁搞笑,加埋就勁幸福!歌手謝安琪(Kay)三月生咗細女張靖(Karina)之後,將生活重心放晒落家庭度,過住全 ...


呢兩張相都係張繼聰操刀,一張勁溫情,一張勁搞笑,加埋就勁幸福!

歌手謝安琪(Kay)三月生咗細女張靖(Karina)之後,將生活重心放晒落家庭度,過住全職媽媽生活,直至近日阿Kay先肯「出山」見大家,原因都係為好友蕭潤邦(Oscar)兼自己有份投資嘅生煎包店開張撐場,而阿Kay未係復出,當日阿Kay仲笑指自己好肥,未係最佳狀態,加上好享受湊女生活,所以暫時未有意再戰樂壇。

阿Kay講得出做得到,今日佢就帶咗Karina去游水,而自嘲「好肥」嘅阿Kay仲以間條水着Look上陣,母愛爆棚咁抱住囡囡,佢仲不經意露出強勁的臂彎,而Karina就着住粉紅色衫仔背向鏡頭,加上水花四濺,老公張繼聰將兩母女呢個咁美好嘅畫面影低放上社交網,留言話:「快樂❤」,真係好幸福呀!

有阿女又點少得仔仔張瞻呀,張繼聰就捕捉咗瞻仔玩到「見牙唔見眼」嘅戲水照,表情滿分,喜感十足,張繼聰話:「I love my boy.」雖然就見唔到全家福,但就咁都feel到佢哋好溫馨呀!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...