2017年8月6日 星期日

王祖藍:【操行竟然拎...】祖藍小學成績表曝光  __,祖藍,王祖藍,

成績表曝光!藝人王祖藍工作一向都非常忙碌,香港內地兩邊飛,絕對係大忙人呀!不過,祖藍近排竟然有時間執屋喎,仲畀佢揾番陳年小學嘅成績表,呢日佢仲喺社交網 ...


成績表曝光!

藝人王祖藍工作一向都非常忙碌,香港內地兩邊飛,絕對係大忙人呀!不過,祖藍近排竟然有時間執屋喎,仲畀佢揾番陳年小學嘅成績表,呢日佢仲喺社交網上同網友開心share,仲留言表示:「《想當年系列》前排執執吓屋,竟然揾番陳年小學成績表出嚟,而某幾年嘅評語,竟然都係叫我要謙虛啲,可想而知我當年幾咁驕傲#執屋等同尋寶 #回憶返晒嚟 #我都想打以前嘅自己」

相中就見到祖藍晒三、四同六年班嘅成績表,成績相當唔錯,仲拎過唔少獎項,又學業獎又朗誦獎,原來年紀細細口才已經咁叻喇!雖然成績就幾好,不過操行上就麻麻喇,由乙+到最後變成丙+,難怪老師到後來畀佢嘅評語,本來勸叫佢要謙虛同有禮貌,到最後話佢「惟欠謙遜及禮貌」,好明顯祖藍喺呢方面係冇乜進步!好友容祖兒就留言話:「咁叻仔想唔驕傲都難!」有網友仲話亮點除咗係祖藍嘅成績外,就係佢樣貌唔係好大變化,最後變咗做四眼仔!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...