2017年8月3日 星期四

【好腰好腎好男人】謝賢烏髮全天然 冇白頭髮全靠日日吊幾次 __,謝賢,

「四哥」謝賢被喻為城中「chok王之王」,最近接受鄭紹康為奇妙電視主持嘅《天下第一Friend》訪問,親自解開chok爆兼不老之謎!原來四哥家有倒吊機 ...


「四哥」謝賢被喻為城中「chok王之王」,最近接受鄭紹康為奇妙電視主持嘅《天下第一Friend》訪問,親自解開chok爆兼不老之謎!原來四哥家有倒吊機,佢以招牌笑聲話:「我日日都要吊幾次0架!」據知倒掛身體可加促血液循環,難怪81歲嘅四哥仍有一頭濃密頭髮,佢話:「早年我本來有一撮白髮,後來吊吊下就冇咗,都幾神奇!不過我媽媽102歲過身時,都有好多頭髮,而且仲係灰色,我希望第日都可以好似佢咁!」四哥每日玩倒吊,仲會邊吊邊拍打臉部減少皺紋,至於飲食同生活作息,佢坦白話:「我乜都食,從來唔戒口。以前仲會打通宵牌,依家得閒就去行下山。醫生幫我定期檢查,各種指數都正常,我應該仲可以撈多2、3年嘅,哈哈!」四哥話從來冇刻意去chok,只係覺得唔可以失禮人前,所以打扮下啫。咁四哥覺得自己同謝霆鋒邊個chok啲?四哥笑話:「chok係人哋覺得,我係老人chok,佢係年輕chok!」四哥原名謝家鈺,入行後花名一大堆,包括「阿腎」。四哥解釋:「以前我好百厭0架,開工成日玩,前輩咪話我腎腎哋囉,耐咗索性叫我阿腎!」當年四哥由家姐睇到招聘廣告推薦佢入行,頭一部戲片酬有150大元,足夠普通人家1個月嘅消費,未幾四哥已經紅透半邊天,但都遇過低潮期,四哥話:「光藝結業後,李瀚祥簽左我去台灣,頭一年冇戲拍,第二年同甄珍拍咗部戲,之後我就回流返香港開公司。」當年四哥和甄珍拍拖四年結婚,但婚姻只維持一年便告終。四哥仲要為「媾女王」封號平反,佢話﹕「其實我好專一0架,成世人只拍過五次拖,仲要次次都係畀人撇,陰功!不過我傷心都係兩日,第三日已經唔記得晒,可以繼續出去玩,唔係我點可以仲生存到依家呀?哈哈!」

謝賢話每日都會玩倒吊機,令白頭髮都減少。 四哥日前接受鄭紹康訪問。
四哥生活健康又悠閒,今日便被拍到置地與友人歎茶。 出席記招。請搵出重「點」。 好腰好腎好男人,仲好臂力。
呢個組合,係《千王之王》

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...