掃呢頁CODE去手機

2017年8月21日 星期一

單文柔唔介意名分:最重要自己舒服 __,單文柔,

唔通佢哋想玩地下情?!藝人單文柔(Phoebe)到油塘宣傳明珠台節目《野性特工隊》,與扮成動物的小朋友合作行Catwalk,又玩遊戲,大受小朋友歡迎的 ...


唔通佢哋想玩地下情?!

藝人單文柔(Phoebe)到油塘宣傳明珠台節目《野性特工隊》,與扮成動物的小朋友合作行Catwalk,又玩遊戲,大受小朋友歡迎的Phoebe說:「其實我對小朋友冇乜耐性,亦唔係特別鍾意小朋友,但加入咗兒童節目《Think Big天地》之後,因為要長期接觸小朋友,所以都OK嘅,同埋鍾意同佢哋玩!」

未到拖手階段

Phoebe被問到有否與陳展鵬齊齊睇動物紀錄片,她說:「暫時未有呢個機會,但我有睇《同盟》,要睇多啲添呀!因為之前冇睇《城寨英雄》,今次要追睇!(你點形容你哋依家嘅關係?)之前佢喺啲訪問都講過,表達咗好多我哋嘅關係,依家係相處緊、了解緊、探索同磨合緊。(有冇拖手?)冇喎!拍拖對我嚟講係好開心同sweet嘅事,自己都好想有呢個階段,因為我哋嘅感情,可能相處、食飯,大家浮咗面嘅時候,大家可能skip咗好多步驟,我哋都係相處緊!」

唔介意男方唔認愛

Phoebe問到如果拍拖,男方不認愛,會否不開心?她說:「最緊要睇我自己會唔會開心同舒服,呢樣嘢(認愛)都唔係最重要,拍拖最重要係sweet同開心,係兩個人嘅嘢,最重要自己舒服,如果唔舒服,承唔承認,唔係最重要,反而可能仲唔開心啲添!(你拍拖都唔會認?)如果我拍拖穩定,講出嚟自己唔會唔舒服嘅話,我會同大家講,但未到呢個階段,未到我覺得好stable嘅階段。(覺唔覺你同展鵬嘅關係,幫咗你?)係嘅,係多咗人識我,但相對地壓力大咗!(唔開心佢冇畀名分你?)咩年代呀?要畀名分我,我覺兩個人相處,大家有共識,知道係咩關係,最緊要我哋兩個磨合咗,OK咗先!」


來源 source: http://hk.on.cc
鍾意就快D Share啦!