掃呢頁CODE去手機

2017年8月15日 星期二

Celine爸被機場保安寸:借女上位嗰個? __,Celine,Celine爸,

與女兒一齊飛的譚順生,入閘前勁風騷。
Celine爸被機場保安寸:借女上位嗰個?有「香港小巨肺」之稱的譚芷昀(Celine)直接進入美國才藝比賽真人騷《全美一叮》(America'sGot ...


Celine爸被機場保安寸:借女上位嗰個?

有「香港小巨肺」之稱的譚芷昀(Celine)直接進入美國才藝比賽真人騷《全美一叮》(America's Got Talent)36強的半準決賽,一家四口本來開開心心赴美參賽,但在機場入閘前,Celine爸爸譚順生被機管局保安職員寸爆「借女上位」,他聞言即木無表情,場面勁尷尬!

現年9歲的Celine在《全美一叮》一鳴驚人,獲評判按「黃金按鈕」直接送入36強的半準決賽,首輪比賽在美國時間本月15日舉行。昨晨Celine在爸爸譚順生、媽媽及妹妹陪同下,現身機場踏上征途。當一家四口歡天喜地入閘時,閘口一名機管局的保安公司職員腰間對講機突然響話:「邊個入嚟?」有女聲回答:「《全美一叮》。」職員再問:「係咪借女上位嗰個?」未知是否聞言的譚順生突然變臉,加上有記者在場,見他疑強顏歡笑向記者揮手道別,場面極度尷尬!

保安公司道歉

記者事後聯絡Celine所屬公司hmv數碼中國集團,公關表示公司負責人向機管局的保安公司方面了解,為何職員在執勤期間公開評論旅客,機管局保安公司主管已為職員言詞不當道歉。

譚順生與Celine入閘前接受訪問,Celine頻頻玩唱片公司送給她的扭計骰。問她是否準備好參賽歌曲?譚順生代答已經準備好。之後他問囡囡可否透露歌名?Celine醒目地說:「唔講得o架!」譚順生指女兒練習參賽歌已有一段時間,充滿信心。講到同齡的對手Angelica Hale參賽,Celine說:「佢係10歲喇!(你哋有冇傾偈?)冇呀,未見到佢。(有冇信心贏佢?)有。」譚順生坦言能進入36強半準決賽很厲害,已為華人爭光,盡力而為就可以。

聽到保安對講機的對話,譚順生與妻子勁無奈。
  • 聽到保安對講機的對話,譚順生與妻子勁無奈。
譚順生被寸後,強顏歡笑向記者畀Like。
  • 譚順生被寸後,強顏歡笑向記者畀Like。

「今次明白歌詞」

對於有指Celine唱歌時感情欠奉似機械人,她表現得有點尷尬然後擰頭,譚順生即為囡囡解圍:「今次首歌Celine係好明白歌詞,大家可以期待,今次會演繹得更加好,因為練得仔細好多,佢都係9歲啫,已經好難得o架喇。」

文:音樂組

攝:張福宏


鍾意就快D Share啦!