2017年8月15日 星期二

帶小巨肺女兒出發戰《一叮》 Celine爸機場被開咪「借個女上位嗰個」 __,Celine,Celine爸,

帶小巨肺女兒出發戰《一叮》Celine爸機場被開咪「借個女上位嗰個」娛樂要聞小巨肺譚芷昀(Celine)一家人昨日早上現身機場出發到美國,出戰下周舉行 ...


帶小巨肺女兒出發戰《一叮》

Celine爸機場被開咪「借個女上位嗰個」

娛樂要聞

小巨肺譚芷昀(Celine)一家人昨日早上現身機場出發到美國,出戰下周舉行的《全美一叮》半準決賽。Celine與父親譚順生、媽媽及胞妹入閘之際,機場職員對講機突然大大聲響起一段對話,一男聲問閘口女職員是誰人入閘,女職員回應說:「全美一叮。」之後該男聲就大聲問:「係咪借個女上位嗰個?」見Celine爸急急低頭入閘,未知是否聽到這尷尬一幕。



【興奮出發】

小巨肺Celine昨早跟父親譚順生現身機場,準備出發到美國參加《全美一叮》半準決賽。

現年9歲的譚芷昀今年6月在《全美一叮》(America's Got Talent)唱《My Heart Will Go On》一鳴驚人,至本月初她選唱Michael Bolton的《How Am I Supposed to Live Without You》獲評判按下Golden Buzzer直送她入半準決賽,成為史上首位華人獲此榮譽。Celine將於香港時間下周三上午8時參加半準決賽,節目會進行直播,賽果則於香港時間下周四上午公佈。



【尷尬一刻】

譚順生與Celine入閘期間,機場女職員的對講機(箭嘴示)突然爆出一句「係咪借個女上位嗰個?」



【全家支持】

譚太與細女Dion亦有隨行為Celine打氣。

一開學即請假

Celine自參加《全美一叮》以來,其父亦惹來不少是非,除被薛家燕公開大爆他早年在其藝術中心教唱歌時撬學生外,更有指Celine爸視女兒為搖錢樹及借女兒上位等。想不到昨日Celine與父母及妹妹開開心心出發到美國洛杉磯參賽,臨入閘時其父竟被機場職員形容為「借個女上位嗰個」。

昨日上午10時許,Celine與家人現身機場,她邊玩扭計骰邊與父親一起接受傳媒訪問,表現輕鬆。問揀選那一首歌出賽時,Celine爸說:「仲未講得住,到時live騷大家就會聽到。」Celine表示不緊張及有信心,Celine爸就揚言自己壓力比Celine更大,他說:「其實我哋都當佢贏咗㗎啦,去到呢個地步已經係為華人爭光。」



Celine本月初獲Golden Buzzer直入半準決賽。資料圖片



全程顧着玩扭計骰的Celine,表示對打入決賽有信心。

「令佢開心就得」

原來Celine今日本來要開學,但為參賽而向學校請假,Celine爸說:「不過校長好支持,仲發email同我哋講話全校都支持。」可擔心返學後跟不上進度?他說:「唔怕,我哋平時都安排咗好多唔同學習嘅嘢畀佢哋。」對於郭偉亮(Eric Kwok)批評Celine唱歌似機械人,他說:「其實每次都希望可以表現多啲唔同嘅嘢,節目嗰邊亦希望表演特別啲,始終係一個國際性嘅比賽,但Celine最擅長係唱歌,況且佢只得9歲,所以盡量令佢開心就得㗎喇。」

訪問後,一家四口邊向記者揮手邊入閘,估計傳媒採訪Celine引起機場職員注意,此時現場一名女機場職員的對講機突然響起,一把男聲問女職員:「邊個入嚟?」女職員就回答說:「全美一叮。」男職員再問:「係咪借個女上位嗰個?」由於對答聲音非常響亮,見Celine爸急急低頭入閘,而譚太亦木無表情,未知二人是否聽到這段尷尬對話。

採訪:曹家誠

攝影:沈健程


鍾意就快D Share啦!
Related Posts Plugin for WordPress, Blogger...