掃呢頁CODE去手機

2017年8月14日 星期一

【男人最痛】孖前妻帶囡囡去旅行 吳啟華Check卡數大叫:吓... __,吳啟華,

吳啟華、程芷渝、李思欣、朱慧敏、林作、黃竣鋒同李雨陽等,噚晚喺九龍灣出席電影《奪命追兇》煞科宴,一班演員喺台上講述拍今次電影嘅難忘事時,黃竣鋒因為講話 ...


吳啟華、程芷渝、李思欣、朱慧敏、林作、黃竣鋒同李雨陽等,噚晚喺九龍灣出席電影《奪命追兇》煞科宴,一班演員喺台上講述拍今次電影嘅難忘事時,黃竣鋒因為講話有口音,被現場人笑,搞到佢一時失控爆粗:「我平時做啲戲得幾秒就死X咗。」此言一出,全場譁然,黃竣鋒即補獲話:「我就係覺得自己講嘢唔叻,加多幾句助語詞,感覺勁啲。」啟華就同朱慧敏一齊做訪問,問到兩人拍完戲有冇火花?啟華話:「我性格好咗啲,你哋唔信可以問Ada蔡少芬,嗰時我同佢合作到第三套劇之後至同佢講嘢。我以前份人好保守,以前唔係單身,o依家單身變得開朗咗。」咁開心係咪吸引多啲女性?佢笑話:「我成日都吸引o架以前老師教落,做演員識得媾人,男女都媾得掂就成功喇!」佢又大讚朱慧敏好專業:「話喊就喊,好以開水喉咁。」朱慧敏聽到即好似小fans咁話:「多謝偶像讚美。」但佢跟住就爆啟華喺大陸開甜品店,啟華話:「係呀,我都想喺香港開,唔蝕嘅話想搵人搞合作。」早排啟華同前妻、囡囡一家去旅遊,佢勁呻開支負擔好大:「要照顧好多女人,做男人真係慘。去完日本,check卡數,吓一聲,碌爆卡,幾十萬㗎,真係血汗錢,暑期舉家去旅遊,一年都要去三四次o架,希望下次唔好再揀啲有得shopping嘅地方。」另外,身兼製作嘅程芷渝就爆有好幾位演員拍戲時常爆粗,當然之後會剪走啲粗口對白。

吳啟華話之前同前妻及囡囡去旅行,睇到啲卡數即吓咗一聲。(攝影:陳俊強) 吳啟華同朱慧敏 林作
吳啟華同囡囡(微博圖片) 吳啟華同前妻石洋子(資料圖片)

來源 source: http://s.nextmedia.com
鍾意就快D Share啦!