掃呢頁CODE去手機

2017年8月6日 星期日

【乾坤一開,三七氣流一開!】「一切照天理而行」無綫嗌Cut 聽晚冇得睇龍哥 __,無綫,孫東海,龍哥,

人稱「龍哥」嘅法科師傅杜慶龍,上個禮拜喺大台嘅節目《BigBoys歷險記》裡面,龍哥同埋林盛斌(阿Bob)、張惠雅、朱智賢同謝東閔去咗西貢曾發生嚴重交 ...


人稱「龍哥」嘅法科師傅杜慶龍,上個禮拜喺大台嘅節目《BigBoys歷險記》裡面,龍哥同埋林盛斌(阿Bob)、張惠雅、朱智賢同謝東閔去咗西貢曾發生嚴重交通嘅地點超度嘅時候,佢嗰種freestyle嘅念咒方式,再加上亡靈上身喊住多謝工作人員嘅片段。明明鏡頭前龍哥涕泗縱橫、為六個因交通意外而滯留此地未能投胎之亡靈作法超渡,更用身體語言話俾大家知佢俾幽魂附身,場面相當靈異,但好快就於網上瘋傳………係惡搞版本瘋傳,特別係網民重新錄過嗰條「法科界MC Jin」嘅「陰間有嘻哈」片,同HJ-47電器小教室fb群組嗰條二次創作:「如有違背包你跳fuse著火 或五雷轟頂」,好出色。但亦有傳,唔止網民覺得龍哥表現浮誇,就連大台高層唔鍾意兼膠味太濃,決定將腰斬呢個節目,由四集改為兩集,仲話龍哥嘅片段仲會全部刪剪添!阿Bob今日接受傳媒訪問,佢就話完全冇聽過。監製謝英偉(Kent)透過WhatsApp接受傳媒查詢,佢只係話:「我是TVB製作人,跟公司溝通,配合公司方向是一定的。至於節目播放長短及時間,是我們另一組同事負責溝通。」再問佢有冇聽過呢件事?佢話:「我自己盡力務求做好本分,配合公司方向外,最好觀眾也滿意,十分感謝大家支持!」但不認不認都係要認,晚上有報道稱無綫承認上述傳聞,聽晚《BigBoys歷險記》播最後一集。嗰集係「『人在野』求生訓練」,陳國峰、董敬文(TT)、鄭嘉豪及譚永浩跟國際探險行動領隊梁念豪學習求生技能,體驗原始生活,梁Sir仲準備神秘「補品」俾佢哋,但眼見美食當前,竟有嘔心感覺衝口而出……節目主持之一嘅朱智賢,就回覆傳媒時稱:「當然可惜因為各位主持都有花心機、精神同時間拍呢個節目嘛,都希望大家睇到自己嘅努力。」拜入關公門下嘅龍哥,以「奇門法科師傅杜慶龍」之名行走江湖,2016年2月已經加入Big Boys Club,睇番Wiki,嗰兩集叫做《一劍封喉降魔記》、《投胎與否「有得揀」?》,之後三月繼續搵佢講古,例如《種生基延壽奇談》、《隔空降魔奇談》、《解降奇談》、《隔世恩怨怎分解?》等等。但關於龍哥,身份神秘,基本上Google都幫你唔到,但討論區好多人討論佢,仲曾有人於香討出post「有冇人知TVB入面杜慶龍師父」,不少網民即紛紛留電郵地址求龍哥聯絡方法,真係唔知曲定直。

龍哥freestyle嘅念咒方式,成為熱話!(電視截圖) 龍哥連動作都做得好足。(電視截圖)
(電視截圖) 佢嘅口令好長…讀起上嚟好似rap。(電視截圖) (電視截圖)
其他人喺旁邊o晒嘴。(電視截圖) (電視截圖) (電視截圖)
(電視截圖)

來源 source: http://s.nextmedia.com
鍾意就快D Share啦!