2017年8月4日 星期五

【獨家】港女Kayla的士啜爆新歡 捉實密友行街sweet到爆 __,Kay,王曼喜,Kayla,港女,謝安琪,

王敏德同馬詩慧嘅大女王曼喜(Kayla)向來言行大膽,早前喺Instagram大曬跪喺浴缸影嘅全裸背相,其實佢早喺去年已經勇敢宣佈出櫃,公開有外籍女友 ...


王敏德同馬詩慧嘅大女王曼喜(Kayla)向來言行大膽,早前喺Instagram大曬跪喺浴缸影嘅全裸背相,其實佢早喺去年已經勇敢宣佈出櫃,公開有外籍女友Lia,可惜兩人因為分隔異地,最終都係分手收場,難得Kayla極快收拾心情,火速就有新女伴。去年Kayla同Lia分手冇耐,已經被影到身邊有位中性打扮嘅女性密友,佢哋除咗被影到結伴睇演唱會時態度親䁥,仲經常攬腰密斟,之後再被發現拖手行跑馬地,但Kayla當時堅稱對方唔係新歡。不過,日前本報就影到Kayla同呢位中性打扮嘅女生密友,甜蜜蜜喺車廂擁吻,由中環到大坑整個車程都大玩「纏綿遊戲」,搞到的士司儀幾乎連倒後鏡都唔敢望,整個畫面更加似曾相識,似足大前年傅嘉莉喺車箱啜爆富商肥叔叔一樣。當晚10點幾,《蘋果》發現Kayla同女性密友喺中環歌賦街一間專賣創新口味雞蛋仔嘅甜品店Oddies入面,Kayla喺舖入面雖然同密友唔多交談,但心情就明顯靚爆,自己一個人喺度左搖右擺跳舞,隔咗大約半個鐘齊齊走人,2人踏出舖頭就有講有笑,Kayla仲主動捉實密友手臂行,一直行去路口截的士。唔知係咪上車咗車,車廂只有2人同埋司機叔叔,Kayla同密友都特別感到輕鬆,坐喺後座嘅2位唔止身貼身黐到實,Kayla密友更不時向她嘟嘴鍚臉,Kayla就非常小鳥依人咁挨住密友。Kayla呢位密友都幾健談,當晚上的士後,佢幾乎無停過講嘢,又數度轉身,臉對臉望住Kayla,笑晒講完嘢後就扛個頭埋去錫錫,由中環到大坑車程,除咗停燈時2人會即刻坐定定,行車期間2人都未停過sweet,Kayla密友更一度將她擁入懷。2人其後在大坑柏麗園落車,Kayla先落車開閘,密友則負責付車資。雖然該處是Kayla同父母入住嘅哋方,但其密友似乎同隔離鄰舍都好熟絡,有鄰居帶金毛尋回犬散步,佢亦第一時間走去打招呼及逗犬隻玩,直至見Kayla已經打開屋苑大閘門才急急轉身離開。

攝影:吳耀輝、孔志豪 日前Kayla同密友去到中環歌賦街食嘢。 隔咗大約半個鐘齊齊走人。
Kayla仲疑似拖住密友。
佢哋仲到的士仲....... 不時錫錫,真係好sweet呀!
密友仲送埋Kayla返歸o添!

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...