網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年8月5日 星期六

【直播搵真金】港女做Live賣感性 最高一日賺9萬 __,港女,

依家呢個有電話就可以做直播的年代,開台做直播賺錢已非新鮮事,自從兩年前台灣藝人黃立成的「17直播」app上架開始帶起了手機直播的熱潮,身邊總有幾個朋友 ...


依家呢個有電話就可以做直播的年代,開台做直播賺錢已非新鮮事,自從兩年前台灣藝人黃立成的「17直播」app上架開始帶起了手機直播的熱潮,身邊總有幾個朋友八卦裝app試下玩,但熱潮喺香港好快就過,只有在台灣仍是熱潮,兼有「Up」、「Live.me」、「MeMe直播」等等直播app加入戰團。為求收視賺取更高報酬,應該仲記得「17」曾經有唔少人直播除衫甚至裸聊吧,大陸其實仲癲,已登記直播公司已超過200家,有些更打正色情旗號,有直播「造人」,甚至人獸交都有。香港是慢熱還是保守?近月有大台狂推由藝人做live的Big Big Channel,去年底有騰訊開的「VOOV」手機直播app,打本土旗號邀請香港人做主播攻香港市場。以「VOOV」為例,用戶可以隨意免費睇主播開live,遇見喜歡的主播可以課金換coins買虛擬禮物送給主播,而主播就靠收取禮物儲分再兌換成現金賺錢。唔好睇少呢啲禮物,平至幾毫子買到的一朵花或心心,貴到要千四千五蚊先買到的飛機都有,送到主播手上就可以分到約$800,成為唔少主播們的目標。其中一位主播霏霏去年剛大學畢業,是一位freelance model兼演員,去年底開始開台做直播,現在每個星期開一至兩次live,平均每個月收入約二至三萬,「開始的時候是想講樂理的」,雖有八級樂理,但頭幾次live的反應實在麻麻,「我諗大家上嚟都係想傾下偈輕鬆下」,唔上音樂堂唔通上「睇肉」堂?又唔係,外表和身材不算突出的霏霏耍起鋼琴、豎琴其至結他、手鈴呢啲樂器,自選曲目抑或即時點唱,十足直播busking一樣。不過,霏霏試過賺到超過9萬蚊的一次直播,靠嘅都唔係呢啲,「嗰次係參加直播台的一個比賽,我都無諗住會收到咁多禮物的,我只係想向fans講多謝,點知佢地就不斷送蛋糕、飛機呢啲禮物」,大約一個鐘的live霏霏向fans逐一多謝,中段仲喊起上嚟,飛機也隨之不斷出現......記者:曾冠輝

攝影:許先煜2017果籽繼續認真知味。識買惜用。行以求知。好事多為。重修舊好。

緊貼果籽報道,即like:http://fb.me/AS.AppleDaily

霏霏通常喺屋企鋼琴前開live,用ipad搵琴譜即時點唱。 「17直播」和「Up直播」是台灣比較多人用的直播app。 虛擬禮物種類唔少,飛機和跑車是最貴的禮物,收一架飛機主播就可分到約$800。
大陸直播app相當多,風氣比香港和台灣更狂熱。 有時霏霏連豎琴都會搬出來邊彈邊唱。 賺九萬幾蚊的一次直播是靠向fans講多謝。

來源 source: http://s.nextmedia.com
鍾意就快D Share啦!