25歲港姐郭嘉文成功搵到50歲「巨鑽級筍盤」小小超李澤楷，有傳出入有司機接送，3月同大台約滿即閃，做跟得女友，更有指郭嘉文以個人名義，購入嘅逾1億九龍塘逸瓏天池屋係小小超送贈。
不過郭嘉文確係俘虜小小超有法，見佢就算同小小超拍拖，Ig都唔算特別炫富，據知買嘢都幾慳家，絕對唔係大花筒嚟，今日有周刊爆郭嘉文喺小康之家，生活好節儉，日前佢素顏同家人行街，都係食下pizza，同睇啲減價波鞋同電器，冇行啲名店，郭嘉文食完嘢，俾錢又會拎coupon留下次用，夠晒精打細算，又貼地，身為細女嘅郭嘉文，仲不時向家姐同爸爸撒嬌。
難怪小小超咁錫呢個慳家女友，今年5月被影到小小超揸戰車載住郭家文現身灣仔合和中心附近，(新聞連結：http://bit.ly/2wW5FNu)戀情打得火熱，5月尾又被見到喺新加坡外遊，郭嘉文更抱實小小超(新聞連結：http://bit.ly/2rueYA3)。認定呢位「楷女郎」。
來源 source: http://hk.apple.nextmedia.com
|
鍾意就快D Share啦！
|
|
|