掃呢頁CODE去手機

2017年9月7日 星期四

傳外遊結婚 蕭正楠黃翠如飛澳洲 鐵粉送機開香檳恭賀 [壹週刊 - 1435] __,翠如,蕭正楠,正楠,黃翠如,M1,

探熱針傳外遊結婚 蕭正楠黃翠如飛澳洲 鐵粉送機開香檳恭賀拍拖三年,40歲蕭正楠和35歲黃翠如屢傳婚訊,上月被指去倫敦為婚禮場地睇景,蕭正楠話此行更了解 ...






探熱針

傳外遊結婚 蕭正楠黃翠如飛澳洲 鐵粉送機開香檳恭賀

拍拖三年, 40歲蕭正楠和 35歲黃翠如屢傳婚訊,上月被指去倫敦為婚禮場地睇景,蕭正楠話此行更了解女友,大讚她娶得過。上週三( 30日)又孖住去澳洲,鐵粉送機時更開香檳恭賀,睇怕好事近!

情侶裝出發

由地下情到現在經常公開放閃,蕭正楠和翠如 BB總算修成正果!

由於近期婚訊頻傳,上週三(三十日)蕭正楠和翠如穿黑色情侶裝,齊齊戴 cap帽、孭背囊,襯絕現身機場。二人帶住多箱行李拍拖飛澳洲,一班鐵粉帶埋香檳送機,似是預先慶祝。





蕭正楠與黃翠如情侶檔到澳洲登台,準備了多箱禮物送給當地粉絲。





入行 15年,蕭正楠有班鐵粉支持,離港赴澳當晚,鐵粉送上香檳,祝賀偶像主演的劇集《男臣》有好收視。





鐵粉半夜到機場送機,蕭正楠全程陪她們聊天,氹得她們很開心。





劇集《超時空男臣》大受歡迎,蕭正楠感激大家的支持,並表示返港後會再搞慶功。





男友陪鐵粉,翠如 BB負責搞登機手續及寄行李,很合拍。





拍拖三年,蕭正楠跟黃翠如情侶檔到澳洲登台,大受歡迎。

再商量婚事

問到那麼多行李,是否順道影婚紗相?蕭正楠笑笑口說:「你過嚟睇吓我啲行李有冇婚紗,啲嘢係公司㗎。」

他指粉絲並非開香檳預祝其婚事:「慶祝《超時空男臣》反應好,遲啲都要同台前幕後再食多幾次飯。」會否趁勢結婚當慶祝?他說:「咁又唔會搵呢啲嘢慶祝,呢啲係更開心嘅事。」會明年拉埋天窗嗎?他笑謂:「真係未知,再商量吓!」

原來他們去澳洲出席 TVB嘉年華活動,寓工作於拍拖,爽!當年兩人拍無綫劇《師奶 Madam》撻着,此行特別與該劇監製李艷芳合照,實行「謝媒」。





兩人寓工作於娛樂,攞正牌拍拖,又互相做對方的攝影師,閃到爆。





14年拍《師奶 Madam》撻着,蕭正楠與黃翠如與已經移居澳洲的監製李艷芳合照,實行「謝媒」。





今年八月初有傳二人秘婚,蕭正楠否認,並說只是陪女友去英國探妹妹。

唔排除閃婚

其實步入四十歲的蕭正楠一直有計劃組織家庭,直認:「我都想俾佢(翠如 BB)一個家,俾啲時間我諗諗。我知呢個女仔值得珍惜,有時結婚係儀式,愛唔愛,唔會因為結婚而改變,不過人到某個年紀,都要諗呢樣嘢。」但又戲言要等女友做主動:「我都等佢求婚,佢性格好怪,要俾佢做主動。希望快啲,我都唔想等咁耐!」

黃翠如亦笑稱會認真考慮向蕭正楠求婚,更表示:「如果真心愛一個人,作為女仔主動向男友求婚都無所謂。佢話等我求婚,但我都睇佢表現。無刻意去諗閃婚,但又唔會覺得一定無可能。」

蕭正楠收到未呀?





蕭正楠在藍田開漢堡包店,他間唔中落鋪幫手,女友亦幫手谷宣傳,在 ig硬 sell漢堡包。





兩人拍拖初期到日本旅行,同行還有男方屋企人,唔介意有成班電燈膽,這個女友認真識做。





公開拍拖後,二人亦不介意在電視劇繼續戲假情真,在熒光幕上拍出浴肉搏戲。





去年四月,女友老豆黃永華的建築公司上市,蕭正楠在當日亦有出席道賀。

鬥閃

娛圈情侶唔認又認,半公開後又會隔空放閃,你閃他閃大家鬥閃,幸福滿瀉。

袁偉豪 張寶兒

單身大半年的袁偉豪,跟港姐出身張寶兒在非洲合作節目《打工捱世界》擦出火花,袁偉豪先隔空剖白自己出爾反爾,想過臨時縮沙唔拍拖的內心世界,女方其後又表示好體諒男友心情,大方展示愛的過程。

馬國明 黃心穎

馬明跟心穎 BB地下情兩年,紙包唔住火,二人終於半公開情侶關係,在內地合作完《宮心計 2》,女方先行公開表示拍了一場最感動嘴戲,打情罵俏又點能夠冇馬明,早前心穎自爆唔識煮飯,他又隔空回應以後要日日食飯盒。心穎為代言纖體廣告做宣傳,又指馬明愛有肉地女友,總之句句有愛。

陳展鵬 單文柔

從來冇承認過戀情的陳展鵬,難得半公開自認同單文柔「了解中」,而女方又配合回應戀情有進展,指大家是好朋友,公開陳展鵬近日有時間,二人可以再進一步認識。

撰文、攝影、攝錄:娛樂組


鍾意就快D Share啦!