掃呢頁CODE去手機

2017年9月14日 星期四

唔刪拍拖周年相 港姐雷莊𠒇有米前度痴等 [壹週刊 - 1436] __,雷莊𠒇,港姐,M1,

探熱針唔刪拍拖周年相 港姐雷莊𠒇有米前度痴等今屆雙料港姐冠軍雷莊𠒇(JulietteLouie),當選後一直負評多多,有指她獲獎全靠有個富爸爸雷葆文撐 ...






探熱針

唔刪拍拖周年相 港姐雷莊𠒇有米前度痴等

今屆雙料港姐冠軍雷莊𠒇( Juliette Louie),當選後一直負評多多,有指她獲獎全靠有個富爸爸雷葆文撐腰。據了解,雷莊𠒇獲獎並非有父蔭,而是跟無綫高層關係友好的有米前度 Brandon Lim在背後發功,二人去年三月雖已分手,雷莊𠒇亦公開牙醫新歡,但 Brandon對前度依然照顧周到,不單唔刪親密相,更願意做痴心情長劍等復合。







Brandon未有刪除二人慶祝拍拖三周年的親密合照,雷莊𠒇當日更大讚前度令她每天開心笑。





去年底,她公開牙醫新男友 Hanmin,二人的開心相亦有 po ig。





跟前前度 Jin的嘴相,她也未有刪走。

三年完成大學

雷莊𠒇老豆雷葆文於九九年金融海嘯損手離場,手上物業要蝕讓外,更先後被多間公司入稟追討接近百萬債項。一二年,雷莊𠒇一家移民加拿大,有債在身的雷葆文大部分時間在內地搵食,準備入學的雷莊𠒇要生活費,兼職模特兒,又慳錢以三年時間完成四年大學課程。

「佢哋一家本來生活幾好,爹哋投資咗好多物業有過億身家,不過九九年金融風暴蝕晒,得番一間公司,到而家都喺內地做嘢,佢同人講話叫搵到吓食。所以 Juliette大學開始半工讀靠自己,做兼職內衣 model,用三年時間讀完大學,因為好想快啲做嘢搵錢, Juliette之前話想去荷里活發展,係真心話,因為如果無綫開嘅條件唔理想,佢索性返加拿大搵機會賺多啲錢。」雷莊𠒇身邊人透露。





在 Brandon的 ig,仍 po着和雷莊𠒇的二人拍拖生活照,擺明仍冧前度。





大台好友阿叻亦有讚雷莊𠒇攞冠軍實至名歸。





有米 Brandon玩賽車, ig亦有 po法拉利辣跑相。





跟 Brandon拍拖時,二人到美國玩,前度指所有行李都載晒雷莊𠒇的戰利品。

秘搬舊樓

被指身家豐厚的雷莊𠒇,參選初期一直入住每晚房價約一千元的富薈炮台山酒店,當選冠軍後她依舊返回上址。不過記者連日發現,雷莊𠒇出席活動後,先會「做樣」返酒店,待數分鐘後便會離開,步行到 3分鐘路程、有 44年樓齡的舊樓,據知她月租的七百呎單位約兩萬五,比起租住每晚過千元酒店,確實化算好多。





數日後,工作完攞住大紮花的她,又先「做樣」返酒店,唔使數分鐘就出來,連人帶花行返去秘搬的舊樓。





知道活動後有記者追訪,雷莊𠒇會扮返炮台山,曾經入住的酒店。

前度同高層打招呼

既要讀書,又要做工搵銀,但雷莊𠒇大學三年依然抽到時間拍拖,跟年紀大他十四年,做貿易生意的有米 Brandon Lim經常周圍飛去旅行,分手前,二人慶祝拍拖三周年,更 po相開心 share。

「 Brandon識人多,知道前度返香港參加比賽,特登事先同無綫高層打過招呼,所以好多人睇住 Juliette,今次得獎唔關老豆事,係前度撐佢啫。」知情者說。





麥明詩同馮盈盈以過來人身份幫手拆彈,三位港姐開 live互相支持。





週日上午雷莊𠒇獨自到教會,甫到場,即跟教友有傾有講。





金融海嘯被追債項。

表面風光

頭頂光環的港姐,歷年來都予人嫁得好、住得好、著得好,樣樣皆具質素的印象,但高貴包裝背後,亦有另一面。有港姐住過劏房、父親欠債等事件。

張秀文

10年港姐亞軍,又是大台咪神的張秀文,在鏡頭前永遠打扮性感高貴,但年初在大台真人騷節目《有樓萬事足》自爆,她曾經住過劏房,並非外界所睇的貴氣港姐。

何傲兒

07年參選時,何傲兒不時被發現坐平治出入,表面屬有米港姐。但原來何父因生意失敗欠債纍纍, 14年因欠下千四萬巨債,何父自行入稟高院申請破產。不過其後他向法庭撤回破產呈請,選擇債務重組。

暗示等復合

就算去年底公開有牙醫新男友 Hanmin, Brandon既沒有將二人拍拖以來的親密相刪走,更向前度暗示等復合。

「 Juliette好大方,同幾個前度仲有聯絡,分手可以做番朋友,佢都冇刪以前拍拖嘅相, Brandon對佢咁好,佢又點會唔知。不過同新男友拍拖唔夠一年,仲係好 sweet,冇諗過復合。」身邊人透露。





雷莊𠒇在餐廳跟 uncle傾了幾句,跟住再合照才離開。





週日,雷莊𠒇去完教會再搭地鐵過海到又一城,會合在商場餐廳吃飯的父母。





是家中長女的雷莊𠒇,經常 po童年照,指一家人感情很好。

麥明詩馮盈盈幫拖





雷莊𠒇到機場送機,雷太跟身為十大設計師之一的雷葆文同愛打扮。

拍長途拖,雷莊𠒇跟 Hanmin經常隔空互相打氣,早前備受抨擊,男友公開大讚她表現好夠自信:「其實無綫都盡力幫佢拆彈,搵咗幾個港姐同佢開 live講好說話,陳凱琳話自己做 live唔叻,試過講錯嘢推咗,但最後都有麥明詩同馮盈盈幫拖。」

留港支持女兒





週一中午,雷葆文跟老婆搭飛機離港,對曾經被追討欠債一事,只表示「多謝關心」。

連日來受負評影響,見慣風浪的雷葆文亦留港支持女兒,週日(九月十日)早上,雷莊𠒇到灣仔教會,他則孖住老婆約朋友在又一城的意大利餐廳食飯,待女兒跟同行友人在商場 shopping後,一家人才搭的士回家。

翌日中午,雷葆文拖住幾個大喼由北角屋企離開,對於金融海嘯蝕身家,他說:「唔講嘞,多謝關心。(生意要由頭嚟過,會唔會唔開心?)唔會。(而家生意係咪唔錯?)他點頭。」之後便跟雷太登上的士直往機場。

馬蹄露姪仔馬米高拍片 教精寸嘴雷莊𠒇

今屆港姐冠軍雷莊𠒇除咗副尊容極具話題性,連她的寸嘴態度,指人沒受過教育、又暗嘲狗仔隊愚蠢等等,都引來不少負皮。馬蹄露的姪仔馬米高睇唔過眼,拍片話如何用英語教精一個香港小姐。

片中不時揸住個兜的馬米高咁講:「如何將一個冇禮貌嘅香港小姐,變成大方得體的香港小姐。」之後教她點將「 I don't care」的心情有禮貌地表達,相當抵死搞笑。臨尾馬米高更叫港姐應向資深樣衰的前輩藝人,即是他的姑姐馬蹄露取經。馬蹄露回應:「話我樣衰就當佢燒炮仗…….」曲線教雷莊𠒇做人要豁達!

撰文、攝影、攝錄:娛樂組


鍾意就快D Share啦!