掃呢頁CODE去手機

2017年9月28日 星期四

姚子羚爛面有陰影 甄詠珊執二攤做醜樣老母 [壹週刊 - 1438] __,甄詠珊,姚子羚,M1,

又做大媽在劇中除化醜妝,更有唔少一笪笪爛面樣出現。探熱針姚子羚爛面有陰影 甄詠珊執二攤做醜樣老母36歲甄詠珊與圈外男友分手,臨門一腳撻Q結唔成婚後,她 ...






又做大媽

在劇中除化醜妝,更有唔少一笪笪爛面樣出現。

探熱針

姚子羚爛面有陰影 甄詠珊執二攤做醜樣老母

36歲甄詠珊與圈外男友分手,臨門一腳撻 Q結唔成婚後,她去年復出娛樂圈簽約無綫,由新人做起,為爭取機會,繼第一部劇一個月減十磅做威利女友後,又再執二攤頂替曾經被愛犬咬傷面留陰影,拒絕再化醜妝的姚子羚,在新劇中做細她十年的王卓淇阿媽。

做王卓淇阿媽

去年底簽約大台的甄詠珊,在剛播完電視劇《燦爛的外母》,與大她三十一年的威利做情侶後,在新劇《果欄中的江湖大嫂》又再做大媽,跟二十六歲王卓淇做母女,醜化自己以核突妝出鏡。

「本來 Elaine(姚子羚)答應咗接呢部劇,事關佢攞完『最佳女配角』,一直好搏命,咩角色都想試吓,不過後來知道開工要特登化個醜妝, Elaine之前俾自己隻狗咬傷塊面,縫咗好多針,休息咗一排,佢梗係錫住塊面,唔可以再受刺激,所以最後都推咗部劇。」工作人員透露。

姚子羚在數年前收養一隻被遺棄的唐狗「通仔」,一直視牠如屋企人,去年初被愛犬咬傷臉龐,險些毀容。停工近一個月,之後出席活動,兩邊面隱約見到爪痕及咬痕。

「其實 Elaine喺影視博覽幫手宣傳過套劇一次,到佢通知話唔做,監製都頭痕,事關劉佩玥又係玩辭演,但佢知道 Elaine對啲皮膚好緊張,所以都好體諒。不過呢個角色唔易做,成日喺果欄拍外景,又要瞓街追車, Elaine都諗住結婚嫁人,唔想咁辛苦都正常。」工作人員透露。





甄詠珊在新劇中要化醜妝出鏡,她將不少大頭相放上 fb。





姚子羚去年 1月被愛犬咬傷要縫針,她休息一個月去聽演唱會,用頸套遮面。





在劇中要追車救女,甄詠珊早前深夜在果欄附近拍追車場面。





在《燦爛的外母》中跟威利飾演一對,兩人年紀相差 31年。





愈減愈瘦的甄詠珊,早前出席活動大騷小蠻腰。





跟王卓淇(右一)飾演母女,甄詠珊扮醜,王卓淇則紮辮扮 cute。





姚子羚同男友的士邦感情穩定,男友曾公開表示好快結婚。

fb留言好想離開

未知是否拍劇壓力大,演戲經驗尚淺的甄詠珊早前在 facebook灰爆留言:「好想離開,但係仲有好多嘢未做完,最基本都要拍埋套劇先。留低俾屋企人嘅錢加埋離開之後保險嘅錢,已經夠佢哋過一輩子,呢樣我放心。」但幾粒鐘後又火速將留言刪走,記者多次致電問她為何情緒低落,但至截稿前仍未有回覆。





急刪灰爆留言

在 facebook的留言,幾粒鐘後火速刪走。





《江湖大嫂》再做宣傳,姚子羚同劉佩玥都冇再出現。





今年影視博覽展中,陳煒跟一班同劇演員上台做宣傳,姚子羚(右二)同劉佩玥都有出席。

撰文、攝影、攝錄:娛樂組


鍾意就快D Share啦!