2017年9月9日 星期六

【獨家】楊恭如鑽石山火葬場現身 43歲少女look飄散仙氣 __,楊恭如,

近年好少好少喺香港電影見到嘅楊恭如,終於都返香港拍戲喇。楊恭如、譚耀文同梁琤日前《辣警霸王花2》喺鑽石山火葬場拍攝,無錯,係《縱橫四海》嘅路雪同明智傑 ...


近年好少好少喺香港電影見到嘅楊恭如,終於都返香港拍戲喇。

楊恭如、譚耀文同梁琤日前《辣警霸王花2》喺鑽石山火葬場拍攝,無錯,係《縱橫四海》嘅路雪同明智傑。呢次佢哋唔係演兄妹,而係演一對夫妻。

呢場戲係講梁琤去到鑽石山火葬場,回憶番譚耀文所演嘅譚Sir,身邊仲有好愛好愛佢嘅太太楊恭如蹺住手,同梁琤擦身而過。

43歲嘅楊恭如果然係亞姐中嘅亞姐,就算只係着上一件白色長袖襯衫加一條啡色長裙,依然係滲出一陣少女味,完全唔覺身材有走樣。

楊恭如話好耐都冇返香港拍電影,第一次同譚耀文合作係99年《縱橫四海》,數數手指都接近20年。譚耀文話過去咁多年嚟,同恭如有過三次合作,第一次係《縱橫四海》,之後係大陸劇《黑煞之 我心不死》,呢次合作係第三次,仲話終於有機會做夫妻。

合演夫妻有冇親熱戲份?楊恭如話暫時未有,最多都應該係擁抱,不過譚耀文就話:「應該不斷加緊,表達我哋甜蜜回憶,佢呢啲係導演決定。」

講到好耐都冇返嚟香港拍戲,楊恭如話好多時間都喺大陸拍劇拍電影,佢仲話講得國語多,要講番廣東話唔係好慣,講起上嚟仲有啲窒下窒下。楊恭如o依家長住喺北京同上海,因為香港都有屋企,都會返嚟食嘢買嘢,有時都會返嚟探下媽咪。

至於譚耀文就話連埋《辣警霸王花2》,嚟緊會同時拍三套電影,呢次要飾演一個患精神分裂嘅阿Sir,同患病嘅老婆楊恭如互相扶持,佢仲話角色名「譚家明」係自己改:「呢個名係電影《父子》嘅導演名,好鍾意呢套電影,希望對方唔好介意。」

而梁琤就話呢場係ending戲,回憶番20年前嘅譚sir,梁琤話呢次唔多動作戲:「有啲開槍戲同開車戲,角色好壓抑,所以演戲部份比較辛苦。」

攝影:葉君海 楊恭如好多時間喺大陸拍劇,今次拍港片講廣東話,佢話有啲唔慣。 99年楊恭如與譚耀文拍《縱橫四海》首合作,三度結緣。
呢次係兩人第一次合演夫妻。



呢個笑容無敵呀!

呢場Ending戲講梁琤喺火葬場回想番20年前嘅譚sir。
梁琤第一次同楊恭如合作。 譚耀文呢次同監製黃永峰合作。

鍾意就快D Share啦!
Related Posts Plugin for WordPress, Blogger...