2017年9月10日 星期日

【獨家】出心出力幫老人院揀水機 46歲萬綺雯穿少女裝透現仙氣 __,萬綺雯,

成日都講仙氣,其實仙氣唔單止係外表,內涵都好重要㗎。萬綺雯(蚊蚊)向來我行我素,人人爭住上位,佢就偏偏推咗重頭劇《老表,畢業喇!》演出,話想畀自己多啲 ...


成日都講仙氣,其實仙氣唔單止係外表,內涵都好重要㗎。

萬綺雯(蚊蚊)向來我行我素,人人爭住上位,佢就偏偏推咗重頭劇《老表,畢業喇!》演出,話想畀自己多啲時間休息。本月初下午3點半左右,蚊蚊現身九龍灣一間韓國家品店Magic Living,當日佢打扮得好靚,束起頭髮,着白色衫襯灰白裙,雖然睇唔晒佢對42吋長腿,但散發出少女味道,點睇都唔似46歲。

蚊蚊一入店內,即被兩、三名店員圍住,同佢講解水機運作。唔夠兩分鐘,已經有途人認出蚊蚊,排住隊邀請佢合照,蚊蚊亦來者不拒,老老嫩嫩都影,表現親民。店員可能擔心騷擾到蚊蚊購物雅興,所以安排咗一間房畀佢入內再去講解。大約15分鐘後,蚊蚊笑晒口推住一架載滿五、六箱貨嘅車出嚟,非常誇張,男職員見佢咁辛苦,即上前幫忙。雙手騰出,蚊蚊又去咗揀鑊,拎住一大一小嘅鑊揀咗好耐,最後兩個都買咗,畀完錢,就同埋幫手推車嘅男職員一齊去咗停車場攞車離開。

蚊蚊日前接受傳媒電話訪問透露,原來此行唔止購物咁簡單。蚊蚊最近接咗一個代言工作,接洽下仲將產品轉贈予老人院。佢話:「最近接嘅工作,都想link up到公益慈善,希望可以幫到其他人。老闆好好,佢都想做啲慈善嘢,送水機畀老人院,咁我都要知道啲function係乜先得,想揀番啲簡單易用款,唔好咁易辣親手,因為老人家唔方便郁動太多。」心地咁好,真係隔住個mon都透出仙氣來。

蚊蚊唔止人靚,心地仲好好,專登去買水機畀老人院。(攝影﹕朱志聰、黃曉程) 幾位職員輪流同蚊蚊講解水機運作。 唔少途人都爭住同蚊蚊影相。








離開時蚊蚊推住一大箱貨,除咗送去老人院,仲會揀啲畀屋企人試用。

蚊蚊為兩隻鑊好頭痛。


鍾意就快D Share啦!
Related Posts Plugin for WordPress, Blogger...