翠翠話佢一家三口都屬雞，所以想生個豬B會夾啲咁話！
前港姐葉翠翠（Tracy）到將軍澳出席簽約儀式，老公周曉東更帶同五個月大的兒子周津羲（Jake）到場。翠翠表示自己懷孕前已開始食品牌產品，品牌得知後便找她做代言人。而她接受訪問期間，老公在旁抱着囝囝玩。
兩公婆落手湊B
翠翠透露大部份時間都是老公照顧囝囝：「佢返工就係我湊，印傭返咗鄉下。我請佢之前佢講明唔鍾意小朋友，嗰時我仲未懷孕，所以佢依家都唔湊囝囝。（囝囝易湊？）有時佢唔瞓要同佢玩。」講到囝囝名字的由來，她表示老公搵了改名師傅提議要有多少筆劃：「佢查咗成日，查咗10個8個，畀我同老爺奶奶揀。」
老公任點唔嬲
她謂囝囝現時有23、24磅，更指囝囝試過厭奶幾日後，反而愈食愈多。問到會否再努力「追人」，她笑言想生豬B：「我、老公同囝囝都係雞年，已經有三隻雞。雞同豬會夾啲，可能等到豬年年尾。」問到老公會否冷落她，翠翠笑說：「都唔係，反而可以乜都叫佢做。」提到老公與囝囝以「父子裝」陪同她到場，翠翠笑說：「佢成日都話唔好幫佢買，話要同囝囝配搭。」此外，她早前被拍到一家三口到北角買玩具，翠翠解釋當付款離開時遇見記者，而囝囝到現時只有兩件玩具。
來源 source: http://hk.on.cc
|
鍾意就快D Share啦！
|
|
|