掃呢頁CODE去手機

2017年9月3日 星期日

【現晒鬚根】陳國峰一索得男重6磅1 孖老婆影超激全裸寫真 __,陳國峰,國峰,

(新增回應)「巨聲幫」陳國峰(Penny)舊年同圈外女友黃思雅結婚,婚後二人努力造人。5月中,Penny率先喺微博透露老婆陀B仔嘅喜訊,今日Penny ...


(新增回應)

「巨聲幫」陳國峰(Penny)舊年同圈外女友黃思雅結婚,婚後二人努力造人。5月中,Penny率先喺微博透露老婆陀B仔嘅喜訊,今日Penny喺微博宣佈B仔出世啦。佢留言話:「同大家報個平安,感謝大家嘅祝福同關心,托賴母子平安。」而「峰之子」原定係6號預產期,計番早咗幾日出世。

至於B仔未出世前,陳國峰原來孖老婆影咗輯超激全裸大肚寫真,Penny貼相留言話:「留住最美嘅一刻,過去咁多個月真係值得記念,辛苦妳了老婆。母親的偉大,希望一切順順利。」一索得男嘅佢,仲有份入產房幫B仔剪臍帶,不過由於太緊張同頻撲關係,搞到新手爸爸滿面鬚根都冇時間剃。

今日榮升做老竇嘅陳國峰就回覆傳媒話:「BB係開刀出世,重6磅1,我有入產房剪臍帶,心情都仲係好激動,BB出嚟嗰陣都有喊,一嚟見到同太太嘅結晶品出世啦,二嚟見到太太個傷口好肉痛。暫時中、英文名都未改,想等BB大個啲先,睇吓佢點樣先改。」陳國峰話以前唔知媽咪有幾辛苦,o依家就深深體會得到。

至於同太太影全裸寫真,陳國峰就話:「其實我有着褲嘅,輯相就上個月影,點解會影呢?就係一直都未影過啲咁激嘅相,主要係想影吓個肚,咪借住呢次機會影囉,成輯呢張最激啦,影得好靚,多謝攝影師佢哋。」

想隨時獲得更多親子資訊,快啲like Easy PaMa Facebook

https://goo.gl/1qWM8g

(陳國峰微博圖片) 陳國峰趁老婆大緊肚,就一齊影咗輯超激寫真。(陳國峰微博圖片) 今日陳國峰宣佈做老竇啦。(陳國峰微博圖片)
陳國峰見到B仔出世,心情感動又激動。 B仔出世,終於感受到做人父母唔係一件簡單事。 舊年同圈外女友結婚。(資料圖片)
婚後努力造人。(資料圖片) (資料圖片)

鍾意就快D Share啦!