掃呢頁CODE去手機

2017年9月13日 星期三

食藥當食補品舊愛阿B送祝福 陳秋霞患乳腺癌:我當好番晒 __,阿B,癌,陳秋霞,鍾鎮濤,

食藥當食補品 舊愛阿B送祝福陳秋霞患乳腺癌:我當好番晒娛樂要聞現年59歲的陳秋霞驚爆患乳腺癌二期,接受了八次化療和切除腫瘤手術,之前因為副作用令頭髮甩 ...




食藥當食補品 舊愛阿B送祝福

陳秋霞患乳腺癌:我當好番晒

娛樂要聞








現年59歲的陳秋霞驚爆患乳腺癌二期,接受了八次化療和切除腫瘤手術,之前因為副作用令頭髮甩掉七、八成,陳秋霞仍堅強笑着奮戰癌魔,不但敷着面膜做手術,更很珍惜甩剩的兩撮稀疏頭髮,拒絕剃光。抗癌勇士的她仍要食十年藥,昨日陳秋霞回覆時笑言食藥當食補品:「我當好番晒。」



陳秋霞接受治療期間曾大量脫髮,但最後戰勝病魔,現在要食十年藥。

早於70年代憑歌曲《偶然》走紅的玉女歌手陳秋霞,81年嫁到馬來西亞,跟金獅集團主席鍾廷森育有三女,做了少奶奶的她婚後退出娛樂圈,上月來港看譚詠麟和許冠傑演唱會,以一頭灰白短髮現身,原來去年中陳秋霞患了乳腺癌第二期,接受化療甩了大量頭髮,那是重新長回來的頭髮。





上月陳秋霞返港睇阿倫和許冠傑演唱會,一頭灰白頭髮。資料圖片



陳秋霞81年嫁給商人鍾廷森,婚後移居馬來西亞。資料圖片



阿B和陳秋霞再見亦是朋友,祝舊愛早日康復。

敷面膜做手術

陳秋霞早前在當地出席新書《因緣.音緣》分享會,驚爆去年6月在港感到身體不適,還以為耳水不平衡發作,怎知檢查後發現患乳腺癌第二期,姨甥女鄺靄慧是香港大學臨床副教授和乳腺外科主任,即安排陳秋霞抗癌,她於四個月內接受八次化療及腫瘤切除手術,戰勝癌魔。

昨日身在吉隆坡的陳秋霞接受本報訪問,她在電話說:「好多謝大家對我關心,其實我病已經係舊年嘅事,隔咗咁多個月,我當自己好番晒啦,𠵱家仲食緊藥,呢隻藥一食要十年咁耐,唔緊要啦,當食補品,喺我患病期間,的確係有啲日子好難捱過,但我有家人同所信任嘅兩位醫生一直陪住我,有好多困難時間,我就將我嘅感受用筆寫低,所以有時失去一啲嘢,又賺咗一啲嘢返嚟,如果唔係有咁嘅經歷,我可能完成唔到我本書,我成日都咁諗,我賺到嘅係𠵱家短頭髮,起碼𠵱家唔使再為白頭髮而煩,我可以真真正正用好fashion嘅形象同大家見面,多謝你哋,我好好!」

早前陳秋霞接受當地傳媒訪問表示:「剛開始嗰關最難過,最緊要唔好壓抑,要適當抒發情緒。」回想接受長達五小時手術,陳秋霞笑言擔心皮膚會乾,在醫生同意下敷面膜入手術室,當自己去做facial。而接受化療時,頭髮甩得七七八八,有朋友提議她剃光,陳秋霞卻說:「你唔係我,唔會明白。當你擁有好多頭髮,可能唔會覺得點,但當你所剩無幾,就會明白至少還擁有嘅心情。」她很珍惜僅有的兩撮稀疏頭髮,笑言梳丫鬟髻。



在醫院治療時,陳秋霞明白到有失必有得。



阿B和陳秋霞當年是金童玉女,有指因阿B見家長衰粗心致分手。資料圖片



鄺祖德是陳秋霞的姨甥,大讚阿姨堅強抗癌。

阿B好唔開心

跟鍾鎮濤(阿B)當年是圈中的金童玉女,可惜最後分手收場,阿B對於舊愛患乳腺癌,他回覆本報表示:「聽到呢個消息好唔開心,雖然最近少碰面,希望佢可以好快冇事,繼續玩音樂同寫書法,做佢喜歡嘅事情,祝福佢早日康復。」

而陳秋霞的姨甥歌手鄺祖德,亦是主診醫生鄺靄慧的弟弟,他大讚阿姨堅強:「佢心情一路都冇任何唔開心,反而好正面,身體冇乜副作用,只係甩頭髮,冇瘦過,胃口非常好,好似一個正常人,完全一滴灰心都冇。唯一擔心fans見到佢唔開心,但佢好想話畀fans知:『我冇事!病唔使擔心,勇於對抗。』」

採訪:皓騫




鍾意就快D Share啦!