網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年9月1日 星期五

佬味濃!邵美琪扮的哥同原島大地爭學生妹 __,原島大地,邵美琪,

邵美琪棒打鴛鴦,唔畀湯怡(中)同原島大地一齊!藝人邵美琪(Maggie)、湯怡和原島大地日前在西環海旁拍攝英皇新戲《日月星》,英皇老闆楊受成驚喜現身, ...


邵美琪棒打鴛鴦,唔畀湯怡(中)同原島大地一齊!


藝人邵美琪(Maggie)、湯怡和原島大地日前在西環海旁拍攝英皇新戲《日月星》,英皇老闆楊受成驚喜現身,答謝Maggie特意抽空客串及為導演劉偉恒和另外兩位演員打氣,更請大家吃下午茶鬆一鬆,幫他們叉足電。客串三日的Maggie飾演一位勁Man的女的哥,巧合下撞破女兒湯怡和揸住靚車的原島大地打算拍拖睇星,Maggie抑壓怒火、保持笑容「下令」湯怡落車跟她回家,更在湯怡上的士之際怒睥原島大地!但一停機Maggie即變回Nice爆前輩,友善地與原島大地聊天。

不嬲男仔頭

對於勁型兼「佬味濃」的打扮,Maggie說:「我真係當自己係個佬咁做㗎!覺得自己唔夠Man。(好少咁佬?)之前拍杜琪峯執導嘅戲做警察試過,嗰時當自己係仔,會型啲!(細個男仔頭?)因為冇兄弟姊妹,屋企人同時當我係仔、又係女。」並指與新演員合作既開心又緊張。

戲中瞞着家人拍拖的湯怡,自爆讀書時有類似經歷:「一次拍咗三個月,另一次拍咗三日,拖過一次手同出過一次街,媽媽唔知㗎!」單身的原島大地則直言將來想和女友去浪漫地觀星:「但未遇到呢個人,想像唔到對方鍾唔鍾意咁,依家都係專心學業先!」


來源 source: http://hk.on.cc
鍾意就快D Share啦!