雷莊𠒇話佢唔認識曾志偉。
2017香港小港冠軍雷莊𠒇、亞軍何依婷、季軍黃瑋琦及2016香港小姐競選冠軍馮盈盈，在佐敦出席領獎活動，師姐馮盈盈為雷莊𠒇戴上金鑽后冠。曾擔任港姐司儀多年的曾志偉心痛港姐決賽變質，變成big big channel廣告騷，更以「慘不忍睹」來形容今年節目。由外國返港的雷莊𠒇坦言不認識曾志偉，她說：「因為TVB今年同big big channel有好多合作，所以佢哋嘗試去宣傳big big channel。（港姐好似變成唔係主角？）自己又冇諗，因為呢兩個月都好忙，只係專注去做好啲自己，又唔覺得港姐唔係主角。」
唔介意網民比較
網民認為2017年國際小姐澳門代表麥嘉欣（Sofia Paiva）比雷莊𠒇靚更漂亮，更將兩人比較，她說：「冇留意，呢啲係網民嘅意見，佢哋有佢哋嘅意見，佢哋話佢靚呀。（你覺得自己靚唔靚？）我都覺得自己靚，自己最滿意自己嘅係身材。（介唔介意人哋比較你哋？）唔介意，每個人都有佢哋嘅諗法，不過有時評論可以唔好咁苛刻，雖然都對我冇影響，但係有啲好惡毒嘅評論，好似話我要全家死就唔好，我哋嘅文化唔同、可以有唔同嘅諗法，但係呢啲意見去到世界各地人人都會覺得好差。（會唔會好嬲？）唔會嬲，不過有啲失望。（父母有冇擔心你？）父母會擔心我嘅安全，不過佢哋知道我好堅強。（有冇因為評論唔開心而喊？）冇喊，反而覺得佢哋有時啲評論好有創意，自己睇完都覺得好好笑。」
去荷里活發展
雷莊𠒇計劃履行完一年港姐合約後到荷里活發展，她說：「因為之前喺多倫多認識一個經理人，佢可以安排我去荷里活發展，攞奬之後都有同佢聯絡，佢都好開心我攞咗冠軍，希望下年可以合作，依家要學多演戲先。」
來源 source: http://hk.on.cc
|
鍾意就快D Share啦！
|
|
|
