2017年9月4日 星期一

唔怕網民嬲 鄭裕玲跟足賽制憑良心投票 __,鄭裕玲,

嘟嘟跟足賽制,又真係冇錯喎…《2017香港小姐競選》已塵埃落定,由23歲雷莊𠒇奪得冠軍,因「校長」鄭裕玲(嘟嘟)作決定性的一票,令原本落後一票的雷莊𠒇 ...


嘟嘟跟足賽制,又真係冇錯喎…


《2017香港小姐競選》已塵埃落定,由23歲雷莊𠒇奪得冠軍,因「校長」鄭裕玲(嘟嘟)作決定性的一票,令原本落後一票的雷莊𠒇兒反超前成為冠軍,結果引來很大爭議,有網友覺得賽制不公,有些更指嘟嘟好像控制賽果。

心屬5號忠於決定

嘟嘟今午在電台直播節目中亦有提及港姐賽果的爭議,嘟嘟表示因為她被委派做港姐「校長」一職,所以她有兩票在手,她說:「我都唔明,咁佢哋解釋我知,如果比賽嘅評分係4比4,就由我校長多一票作決定邊個勝出。」嘟嘟續說:「今次由評審一人一票,唔係全民投票,我自己憑良心去投,係覺得5號表現好啲,每一個範疇都好,人人都會有缺點,並冇話有乜欠缺公允,我再重新去諗番件事,整晚流程一樣,如果最後出嚟我唔選5號,係咪又會畀人話,喺現場我都好疑慮,喺最後投票時,我心屬5號,我都有問觀眾邊個好,現場好多人都舉5號,唔係個個話1號,而我夾硬畀5號。」嘟嘟坦言不介意記名投票,因為要對自己負責:「Follow my heart!可能你哋選老婆老公,我哋都覺得好肉酸,點解你揀佢,你覺得perfect咪得。」

跟足賽制

嘟嘟表示賽後她也有檢討自己有沒有錯,她說:「畀我再揀一次,如果我跟自己個心,一樣會畀支持5號嘅觀眾話我,我覺得我嗰part有事,我係跟公司話我有兩票去做,我係跟足賽制,如果有人唔鍾意今次賽制,咁咪明年再做。」嘟嘟更指有評審對她說:「我幾驚你唔係選5號,所以各有各人心水。」比賽後她也有跟亞軍何依婷講「唔好意思」,當刻她覺得5號整體上是表現得好少少,嘟嘟說:「題外話張曼玉都係亞軍!」嘟嘟更表示明白網民的心態:「點解你會多一票,咩咁巴閉呀,你又唔係投我心水,我嬲爆你。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...