掃呢頁CODE去手機

2017年9月6日 星期三

結婚=賭博!陳貝兒放低傷痛重新出發 __,陳貝兒,貝兒,

Janis話已經放低咗之前嘅感情重新出發。藝人陳貝兒(Janis)為「香港鐘表展」國際名錶萃薈交流晚宴擔任司儀,她表示現時努力工作,由她主持的無綫節目 ...


Janis話已經放低咗之前嘅感情重新出發。


藝人陳貝兒(Janis)為「香港鐘表展」國際名錶萃薈交流晚宴擔任司儀,她表示現時努力工作,由她主持的無綫節目《嫁到這個世界邊端》日前首播:「我都幾期待觀眾反應,都想觀眾多啲留言畀我,因為大家都花好多心機。」她講到上次記者會之後,多了很多朋友關心:「我有啲女仔朋友見我依家單身講笑問我幾時重出江湖,我隻腳都未踩番落江湖,努力工作先,感情繼續隨緣。」

放下感情重新出發

問節目中的旁白是照稿讀還是自己寫,Janis表示接節目的時候公司是不了解她的感情狀況:「當時已經分居,啲旁白係集體創作。(有感而發?)啲稿唔只係我個人感受,希望大家睇完之後有共嗚。」此外,她表示現時經已放下感情重新出發,所以不會再為此激動:「反而拍嗰時諗番好多回憶片段。」

「一次唔開心唔等於一世唔開心」

而節目中Janis講到結婚就是一場賭博,她表示這句是有感而發:「人面對好多未知未必100%睇得通透,要靠自己本能,好似賭大細咁。」她解釋在節目中落淚因為感動:「自己開心都會戥人開心,唔係完全好唔開心,一半一半。鏡頭背後都同幾個女主角做咗好朋友,都好投入個故事入面,發現幸福背後經歷好多,好勇敢面對愛情婚姻,我係好感動。(會唔會想試下嫁去外國?)我又未試過,要睇緣分,冇諗咁長遠。」她未有為離婚事件對婚姻產生陰影,反而對愛情還存在着憧憬:「要適應單身先,相信一次唔開心唔等於一世唔開心。」

太得閒會亂諗嘢

提到與前夫的感情狀況,Janis透露現時正在辦理離婚手續,又有與其聯絡:「都做番好朋友。(有冇人追?)冇呀,暫時諗工作先,女仔朋友都驚我悶,但我唔會因為悶而搵伴侶,要睇緣分,要慢慢靜待下一段姻緣。(習唔習慣?)暫時想投入工作,女人唔可以太得閒,夜晚會諗好多嘢,人總會有自己經歷。」


來源 source: http://hk.on.cc
鍾意就快D Share啦!