掃呢頁CODE去手機

2017年9月1日 星期五

【邊個去保護令小姐呀? 】《同盟》易先生中槍 含淚向鮑起靜道別 __,鮑起靜,《同盟》,

【邊個去保護令小姐呀?】《同盟》易先生中槍含淚向鮑起靜道別《同盟》一劇,入面不少角色引來大家熱烈討論,當中最受歡迎的當然是歐瑞偉扮演的易先生。最近劇情 ...


  • 【邊個去保護令小姐呀? 】《同盟》易先生中槍 含淚向鮑起靜道別


  • 《同盟》一劇,入面不少角色引來大家熱烈討論,當中最受歡迎的當然是歐瑞偉扮演的易先生。最近劇情發展到令熊(鮑起靜飾)為求侄仔家就去到台灣與黑幫駁火,隨行的當然有好打得的易先生。今次台灣之旅擺明就係韋爺郭峰設個局令鮑起靜消失,大量槍戰場口是常識吧?

    不知道大家有冇留意早前See See TVB曾經製作了一條易先生做兵的短片,片段就有透露易先生中槍流勁多血,易先生仲用埋最後一口氣話︰「令小姐,睇怕我以後都保護唔到你啦!」之後鮑起靜就安慰道︰「我哋有咩風浪未見過?」可惜易先生最後都合埋眼斷晒氣咁,搞到鮑起靜不停拍打易先生。

    而監製文偉鴻就在微博分享了一條Slide Show,仲話「易先生~~!今晚⋯#人生得一知己死而無憾」中間仲要整咗幾個喊樣emoji,就連陳展鵬同陳山聰都喊晒口去share,睇來易先生今次都凶多吉少,各位易先生的Fans睇怕今晚要拎家紙巾出來飲泣啦。

    提一提,根據劇情提要就話易先生中槍後在完全無麻醉的情況下,由陳山聰幫佢拔出大腿彈頭,通常呢類劇情有兩個後果,一就係易先生最後都係大量出血,整個sad ending; 二就係易先生又再復活,要繼續佢一生人的目標----保護令熊。
    鮑起靜呢位大家姐,明知係個局都會去台灣救個侄仔啦
    易先生又出來大顯身手,可惜佢就中槍倒地
    今日監製文偉鴻就share呢張圖,睇來易先生條命仔凍過水
    成班人搵個地方匿埋,兼幫易先生療傷
    嗚呀! 喊死令小姐咩!
    早前See See TVB就有片段流出,見到易先生合埋眼之後無反應
    陳山聰就連手術都識做
    易先生知道自己時日無多,向令小姐講呢一句,睇怕喊死觀眾
    其實故事有冇得安排二人來一場感情戲?
    易先生呢一角令不少觀眾大讚
    睇怕歐瑞偉以後唔止叫做KC,又多一個名叫易先生

    鍾意就快D Share啦!