掃呢頁CODE去手機

2017年9月20日 星期三

【御用狐狸精】做情婦實有份 李佳芯被指係「臭雞」 __,李佳芯,

每一部電視劇,要好睇,就緊係要主角同奸角鬥智鬥力,先可以令到劇情夠緊湊有張力,而喺家庭劇或宮廷戲中,所謂嘅奸角往往都會係「奸妃」、「二房」、「二奶」、 ...


每一部電視劇,要好睇,就緊係要主角同奸角鬥智鬥力,先可以令到劇情夠緊湊有張力,而喺家庭劇或宮廷戲中,所謂嘅奸角往往都會係「奸妃」、「二房」、「二奶」、「情婦」等嘅角色,呢一類角色,通常都會被人叫做「狐狸精」,「狐狸精」要做得出色,仲要令到觀眾讚賞就真係唔係咁易,話晒都係一啲神憎鬼厭嘅角色,而圈中都有唔少出名做「狐狸精」而又令人覺得演得夠晒到肉嘅演員。

湯盈盈

今年42歲嘅湯盈盈,同老公錢嘉樂有兩個得意嘅囡囡,一家生活幸福美滿,雖然近年湯盈盈喺劇集中少咗做奸角,但係當年《封神榜》中嘅柳琵琶真係令人印象深刻,諗返起佢嘅演技都真係令人恨之入骨。

高海寧

30歲嘅高海寧,08年參加過香港小姐,雖然落選咗,但係都成功加入大台,一開始因為佢嘅外形關係,多數都係做下情婦、女殺手咁,而其中12年嘅《拳王》,佢扮演嘅情婦仲同李施嬅兩女共侍鄭子誠。

劉佩玥

13年參選港姐獲得季軍嘅劉佩玥今年28歲,佢可以話係最近慢慢喺大台起步嘅花旦之一,第一套戲《四個女仔三個BAR》就係四大女主角之一,喺上年《幕後玩家》之中飾演黃索澤情婦,仲逼到正印龔嘉欣抑鬱自殺。

李佳芯

34歲嘅嘅李佳芯不嬲都被網民封為「女神」,不過可能因為佢真係太靚嘅關係,自有線過檔到大台之後大多都係飾演奸妃、情婦等,喺《巨輪II》入面,被「鷲哥」吳岱融一巴車落去加一句「臭雞!」真係歷歷在目,最近佢喺《踩過界》中終於洗底做踩界法官,被大眾一致讚揚。



今年42歲嘅湯盈盈,同老公錢嘉樂有兩個得意嘅囡囡。(資料圖片) 雖然近年湯盈盈喺劇集中少咗做奸角。(資料圖片)
當年《封神榜》中嘅柳琵琶真係令人印象深刻。(劇照) 30歲嘅高海寧,08年參加過香港小姐。(資料圖片) 雖然落選咗,但係都成功加入大台。(資料圖片)
因為佢嘅外形關係,多數都係做下情婦、女殺手咁。(資料圖片) 13年參選港姐獲得季軍嘅劉佩玥今年28歲。(資料圖片) 第一套戲《四個女仔三個BAR》就係四大女主角之一。(劇照)
喺上年《幕後玩家》之中飾演黃索澤情婦。(劇照) 34歲嘅嘅李佳芯不嬲都被網民封為「女神」。(資料圖片) 可能因為佢真係太靚嘅關係,自有線過檔到大台之後大多都係飾演奸妃、情婦等。(資料圖片)
喺《巨輪II》入面,被「鷲哥」吳岱融一巴車落去加一句「臭雞!」真係歷歷在目。(劇照)

鍾意就快D Share啦!