2017年9月9日 星期六

【數月內擴散至肺】舌頭「痱滋」竟是癌 無綫資深演員廖麗麗割脷失敗 __,無綫,癌,廖麗麗,

今日《蘋果》收到消息,無綫資深演員廖麗麗日前因病離逝,享年70歲。廖麗麗獨生女Sindy今午接受本報電話訪問,證實死訊。她透露母親數月前發現患上舌癌, ...


今日《蘋果》收到消息,無綫資深演員廖麗麗日前因病離逝,享年70歲。

廖麗麗獨生女Sindy今午接受本報電話訪問,證實死訊。她透露母親數月前發現患上舌癌,隨後擴散到淋巴及肺部,延至本月4日凌晨,在東區醫院病逝。

Sindy憶述:「媽咪之前係乳癌,但已經康復,今次係脷癌,轉移到去淋巴。其實佢自己都唔知個嚴重性,走得好突然。」

想起亡母,Sindy悲慟哭道:「佢係一個好堅強嘅人,今年7月17號做手術,做完手術之後身體好弱。佢早幾個月發現條脷有粒細痱滋,一路都冇好,我哋都冇為意係嗰件事,冇諗到咁嚴重。」

「後來知道係脷癌,要即刻切除癌細胞,條脷割咗一大半,講唔到嘢,食嘢都有困難,媽咪仲同我講,第時講唔到對白添,我仲同佢講健康最緊要,你乜都唔好諗。」此時Sindy再痛哭:「媽咪好勇敢,割咗大半條脷之後重新適應講嘢,但傷口係咁流血水,跟住擴散到淋巴同個肺。」

Sindy說,母親在她18歲那年已離婚,她說:「媽咪真係一個好堅強嘅人!」至於廖麗麗離世原因,Sindy稱尚要等驗屍報告。


鍾意就快D Share啦!
Related Posts Plugin for WordPress, Blogger...