掃呢頁CODE去手機

2017年9月4日 星期一

撐嘟嘟有投票特權!麥明詩:冇咩絕對公平 __,麥明詩,

麥明詩支持嘟嘟有投票特權,可以將賽事變得更清晰。「十優港姐」麥明詩(Louisa)出席手工啤酒節發布會,她表示高中在外國讀書時,周末會出外HappyH ...


麥明詩支持嘟嘟有投票特權,可以將賽事變得更清晰。


「十優港姐」麥明詩(Louisa)出席手工啤酒節發布會,她表示高中在外國讀書時,周末會出外Happy Hour。問酒量如何?她說:「會適可而止嘅,有節制。(有冇試過醉?)冇醉過,但會飲到好興奮。有時會扮飲,少少咁飲,我覺得咁樣放鬆啲,傾偈都會開懷啲,同啲異性有啲Feel。(有冇試過畀人抽水?)飲酒都係同朋友飲,好尊重大家。」

貼中冠軍同季軍

Louisa表示有留意及關心昨日港姐決賽,問嘟嘟(鄭裕玲)有投票特權,所投決定性得兩票是否公平?她說:「我覺得呢個世界都冇咩絕對公平,有個平台可以畀觀眾睇到努力地演繹自己,某程度上都係種公平。(三甲都係你心水?)我真係貼中冠軍(雷莊𠒇)同季軍(黃瑋琦)!都係睇當晚演出,唔係睇樣貌。」

讚雷莊𠒇有Charm

而Louisa當了藝人後發現觀眾緣及人際關係比樣靚更重要:「樣靚周街都係,我覺得冠軍好獨特,畀人記得好緊要。(伍樂怡Kelly大熱倒灶你點睇?)我本身貼咗佢會拎亞軍,但冠軍當晚比較自然投入,感覺呢個女仔好Charm(魅力),樣已經係其次,我覺得佢好有諗法,想令人知佢多啲。我都為Kelly可惜,但名次冇所謂,可能有觀眾覺得唔抵,但繼續有人氣支持一定會有更多工作機會。」

因應觀眾反應改橋

此外,問有否留意對於無綫以時間緊湊為由拒絕「香港手語來自聾星」組織派人於港姐決賽作手語翻譯?她表示有留意報道:「其實都值得去推廣,但好明白製作好多嘢都好急,我選港姐嗰時好多嘢係前一日先Confirm(決定),因應觀眾反應同嘉賓可能每分鐘都改緊,所以喺嗰個時候未應付到都理解,電視台都想有一個更加共融社會嘅方向去努力推廣。」


來源 source: http://hk.on.cc
鍾意就快D Share啦!