2017年9月3日 星期日

安祖蓮娜眼濕濕再談離婚:我唔享受單身 __,安祖蓮娜,

安祖蓮娜帶埋仔女出席《First》片在Telluride電影節舉行的首映禮。42歲荷里活一姐安祖蓮娜祖莉(AngelinaJolie)日前在洛杉磯受訪 ...


安祖蓮娜帶埋仔女出席《First》片在Telluride電影節舉行的首映禮。


42歲荷里活一姐安祖蓮娜祖莉(Angelina Jolie)日前在洛杉磯受訪宣傳執導作《First They Killed My Father》,再談同畢彼特(Brad Pitt)離婚一事,眼濕濕咁話:「我唔享受單身,唔係我想咁(離婚)。」

安祖蓮娜日前喺比華利山酒店受訪,好耐冇坐定定接受記者訪問谷新片嘅佢坦言:「今次係我相隔好耐第一次再咁做(受訪),實在唔容易。今次我有啲怕醜,因為我內心唔似以前咁堅強。」再談同畢佬離婚一事,安祖蓮娜忍唔住眼濕濕:「一直都好困難,(離婚)完全冇好處,只有困難。」至於仔女近況如何,安祖蓮娜就話:「佢哋好好,一直互相支持,某程度上是我前所未見過的。看到佢哋如何彼此幫助,大哥哥照顧小朋友,一齊幫咗我好多。今次真係令佢哋找到自我,找到屬於自己嘅聲音。」被問當仔女嘅「波士」有咩感受時,安祖蓮娜就話:「聽好,當你有6個仔女,你會發現你唔係咩嘢波士。」期間亦有講所有兒子包括9歲的諾克斯(Knox)亦有學揸飛機,個個都學得好開心,至於被問到點睇未來的自己時,安祖蓮娜就話:「10年前嘅我唔會想到自己的家庭生活、婚姻及事業會是今天的情況,現在於這個年齡,我只想身體健康。」

呢方面安祖蓮娜話唔享受單身,另一方面名人傳記作家Ian Halperin就爆料話安祖蓮娜最近同畢佬喺朋友嘅大宅見面,指二人一落車就相擁痛哭,決定復合,希望透過戒療及心靈輔導挽救關係。Ian仲話安祖蓮娜講笑形容同畢佬十足「玉婆」伊莉莎伯泰萊(Elizabeth Taylor)與李察波頓(Richard Burton)嘅關係一樣,唔可以一齊生活,又分唔到手,仲借咗桂莉芙白德露(Gwyneth Paltrow)宣布離婚時嘅金句「有意識地分開」嚟用,笑指同畢佬「有意識地復合」。

另外,安祖蓮娜昨日出席《First》片在美國科羅拉多州舉行的Telluride電影節首映禮,懶理早前被指用金錢「折磨」小演員嘅是非,同《First》片童星Sareum Srey Moch攬到實「洗底」。電影播映後獲全場站立鼓掌,兩名兒子麥杜斯(Maddox)與柏斯(Pax)亦有上台。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...