掃呢頁CODE去手機

2017年9月8日 星期五

陳山聰突襲街市變師奶殺手 靚姐心心眼 __,山聰,陳山聰,

陳山聰劇內劇外都係暖男,呢日仲去街市買餸添!藝人陳山聰於無綫劇集《同盟》演鮑起靜養子,為捍衞家族及「母親」安全而與敵人槍戰連連,非常型爆,相反於愛人姚 ...


陳山聰劇內劇外都係暖男,呢日仲去街市買餸添!


藝人陳山聰於無綫劇集《同盟》演鮑起靜養子,為捍衞家族及「母親」安全而與敵人槍戰連連,非常型爆,相反於愛人姚子羚面前又盡顯細心,其暖男形象深入民心,於前晚播出的劇情中,山聰又再次成功保護鮑起靜,加上形象令人煥然一新,網民均一致認為山聰絕對有機問鼎今屆頒獎禮「最佳男配角」。而將於下月舉行的新加坡「星和無綫電視大獎2017」,山聰已憑該劇獲男配角、螢幕情侶及喜愛角色等提名。

姚子羚被當係老婆

其實現實中的山聰亦是暖男,日前趁不用開工,即單拖喬裝突襲街市,準備買餸下廚與女友Apple撐枱腳。見他步入街市後便一支箭走到海鮮檔,並熟練地落手落腳挑選,期間與老闆有講有笑。有市民見暖男山聰出現,即紛紛把握機會玩自拍,山聰也一一滿足他們,又邊行邊與街坊揮手,及後轉戰菜檔,一名女菜販甫見山聰光顧即心心眼,既輕拍他手臂又一輪嘴發問:「劇入面個老婆係咪真係你老婆?你開槍啲子彈飛晒出嚟,又咁多血,真係咁㗎?之後你會點哋?哎呀!睇到我不知幾咁緊張!」山聰忍不住笑說:「你講姚子羚?佢梗係唔係我真嘅另一半哈哈!開槍戲係有加入特效,你都睇得好投入喎!」

逼供問劇情

事後山聰表示對角色受歡迎大感高興,他說:「多謝大家咁支持套劇,呢排去親買餸都畀人追問劇情,但保持神秘梗係要拉鏈嘴」談到無論劇中或是現實生活均為暖男,山聰笑不攏嘴指平日也愛下廚,主打清淡菜式:「我唔係好用油,多數係蒸同焗,有時喺公司見到李家鼎都會同佢偷師,問吓煮食嘅嘢,女友都識煮,但佢煲湯叻啲。(依家生活同結婚係咪冇分別?)呢個年代係講共同生活,當然一紙婚書對女仔都緊要,我哋有晒共識,好快,但未求婚,相信唔使求都得,不過我心入面都有啲計劃,會做啲浪漫嘢,但要睇時機。」


來源 source: http://hk.on.cc
鍾意就快D Share啦!