2017年9月22日 星期五

湯洛雯晒線撼阿妹 自爆被跑男搭訕抄牌 __,湯洛雯,

湯洛雯話見到阿妹(左下)身材咁好,自己都要急起直追咁話!「宅男女神」湯洛雯、黎諾懿以熱播劇《燦爛的外母》中的情侶檔在旺角出席品牌活動,以運動Look示 ...


湯洛雯話見到阿妹(左下)身材咁好,自己都要急起直追咁話!


「宅男女神」湯洛雯、黎諾懿以熱播劇《燦爛的外母》中的情侶檔在旺角出席品牌活動,以運動Look示人的靚湯小晒線頭,健康性感,她笑言近日胞妹的豐滿身材成為熱話,自己亦要借機會急起直追!問到平日跑步亦性感示人?靚湯笑言:「身材fit都OK嘅!自己着得舒服又有自信,跑步會開心啲!」

似彭于晏實畀電話

愛跑步的靚湯透露經常出沒在紅磡一帶的海旁路線,更自爆曾遇狂迷尾隨:「我經常夜晚跑步,有一次跑跑吓發現有個男仔同我路線一樣,好驚!」身旁的諾懿聞言笑說:「佢可能想搵你領跑!」靚湯指該名男子上前搭訕拎電話,因不懂拒絕,最終只給對方電郵:「個男仔其實都幾似黎諾懿,如果似彭于晏我一定畀!(鍾意大隻仔?)係呀,又唔使好爆肌,高挑身材好就正。(緋聞對象羅天宇夠大隻?)佢身材ok呀,係膊頭橫啲!」

羅天宇褲頭鬆晒

諾懿透露羅天宇為劇集《跳躍生命線》減磅,問靚湯知否對方瘦幾磅?她即尷尬說:「男仔會睇磅數咩?我見佢啲褲fit身變鬆身囉!(介意情侶檔?)依家咪情侶檔囉(指諾懿)!有機會都ok嘅!」名草有主的諾懿聞言即取笑靚湯當他「水泡」。

----------------------------------------------

東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/

如仍未更新東網App,請按此連結收睇360影片: https://goo.gl/wBNwEL


來源 source: http://hk.on.cc
鍾意就快D Share啦!
Related Posts Plugin for WordPress, Blogger...