掃呢頁CODE去手機

2017年9月15日 星期五

【獨家】素顏劉嘉玲中環快閃掃錶 少女心小跑步上車 __,劉嘉玲,嘉玲,

《獨家試愛》系列嘅「阿寶」陪住好多少女成長,由拍拖、熱戀、分手,阿寶都見證過,終於阿寶都走到嚟呢一步-喺《獨家試愛》系列大結局成為人母喇。呢個重任,導 ...


《獨家試愛》系列嘅「阿寶」陪住好多少女成長,由拍拖、熱戀、分手,阿寶都見證過,終於阿寶都走到嚟呢一步-喺《獨家試愛》系列大結局成為人母喇。

呢個重任,導演葉念琛搵咗劉嘉玲喺《我的情敵女婿》演終極版阿寶,套劇預計喺下年賀歲檔上映,早前嘉玲已經同任達華、衛詩雅一齊開工,雖然佢唔知邊個係阿寶,但就話希望可以一路拍落去。(新聞連結: http://bit.ly/2wYwlQl )

距離賀歲檔只係得半年左右時間,最近工作應該都幾忙,不過嘉玲仍然搵到時間行街。前日下晝4點幾,《蘋果》就見到嘉玲素顏兼冇戴黑超,坐住架銀色七人保母車去到中環英皇鐘錶行,店員一見到佢,即刻上前招呼,仲安排咗一個冇咁多客人嘅位置,之後幾個店員好熱情咁招呼佢,又攞咗幾隻錶俾嘉玲揀,唔夠15分鐘,嘉玲已經睇完錶,然後俾錢走人。

嘉玲離開店時,有兩位店員幫佢攞住錶袋,一路送到佢上車,不過保母車就咁泊喺路邊,為免阻塞交通,嘉玲小跑步上車。最近嘉玲都係拍緊英皇投資嘅《我》片,以佢同楊受成咁好朋友,相信佢幫襯買錶會俾有好大優惠。

劉嘉玲同朋友喺錶行只係用咗15分鐘,就成功掃貨。

睇真啲,嘉玲冇化妝,依然好有自信,笑容滿面。


離開時,小跑步上番保母車。 嘉玲答應演出終極版阿寶,最近都要忙住拍攝。(ig圖片)
(ig圖片) 早排嘉玲同任達華開工,不過佢話唔知邊個係阿寶。(資料圖片) (資料圖片)
楊受成當日都有嚟探班。(資料圖片)

鍾意就快D Share啦!