掃呢頁CODE去手機

2017年9月29日 星期五

【我成世人唔會發達】認靠黃杏秀過活 陳百祥:我係唯一靠旺夫生存嘅男人 __,陳百祥,黃杏秀,

陳百祥(叻哥)同太太黃杏秀、寇鴻萍等,今日喺銅鑼灣出席珠寶鐘錶店冠玲瓏開幕,講到呢個朋友投資咁成功,唔知陳百祥有冇啲咩個人投資?叻哥得戚講:「我從來唔 ...


陳百祥(叻哥)同太太黃杏秀、寇鴻萍等,今日喺銅鑼灣出席珠寶鐘錶店冠玲瓏開幕,講到呢個朋友投資咁成功,唔知陳百祥有冇啲咩個人投資?叻哥得戚講:「我從來唔投資,我只係投資自己,講笑咋!佢(朋友)好得意,佢同我條命好唔同,佢一早投資去中東賣鑽石,我搞錯咗,去中東賣雨褸,所以佢成功走咗,我就破產走咗,冇所謂喇!都四十年前嘅事,佢去杜拜賣鑽石,賣到o依家風山水起,我賣雨褸,中東點賣雨褸,一年落兩日雨,我係另類人。」

在場記者問佢當時蝕咗幾多錢,叻哥快答:「唔係蝕錢,我喺中東賺咗錢,唯一一個賣雨傘翻生嘅人,我做咗一批雨褸,破產之後,將最後一批貨運咗去中東,一九七幾年嗰時,邊有人識中東係賣咩,正路應該攞佢啲石油嚟賣,係喇!我搞錯咗吖嘛!所以冇得發達,我成世人都唔會發達,成日話搵夠食就算。」

叻哥自言冇發達,靠老婆「秀姑」黃杏秀旺夫過活,佢話:「啲馬、三T、四重彩,全部都係佢(黃杏秀)中,我係喺側邊負責收錢,我份人比較低調。」

叻哥大聲講:「我冇收入嘅!」記者問係唔係老婆養,阿叻諗都唔諗就話:「梗係喇!我係唯一一個靠旺夫而生存嘅男人嚟,如果第二娶到黃杏秀,我就做乞兒,佢買馬又中、買股票又中,買樓都掂。」

佢平時唔買六合彩,只會投資馬:「一個唔覺意有少少收入,就可以養妻活兒,冇兒,sorry!養妻咋!我收啲契仔、契女,佢哋老竇仲有錢過我,唔使養,好穩陣。」叻哥又話成日同朋友講點先令自己開心,其實主要係過自己嗰關,當然冇錢係萬萬不能,所以人哋叫佢去大陸拍戲做乜,佢都拒絕晒,閒時都係踢波、睇跑馬。


鍾意就快D Share啦!