吳千語話佢同林峯過夜係好正常嘅事。
藝人吳千語出席皮具品牌活動，她透露10月頭會離開香港幾個月，到内地多個城市包括上海、杭州及福建拍攝電視劇。問會否珍惜與男友林峯的拍拖時間，千語說：「都唔係，大家都好忙，同埋要準備背稿，對我嘅普通話同中文閱讀能力都係好大挑戰，啲對白未試過咁長咁多。（男友普通話叻會跟佢學習？）我自己都OK，當然佢都好有經驗，但佢都好忙。（有冇同佢取經？）佢有話『你得唔得㗎？』咁我話做嘢係咁，又唔係未拍過，呢排天氣又唔係話好熱。」千語透露10月生日、聖誕節、甚至新年都會在內地度過，問千語到時會否跟林峯慶祝節日，千語說：「冇所謂啦都係做嘢啫，都冇時間出去玩，又唔會逼自己太緊，拍完劇咪放幾日假自己或者同朋友去玩，都好難同佢就到時間，要兩個一齊就要推晒啲工作，冇乜可能。」
對於林峯表示為爭取時間見面會一齊過夜，千語認為是正常事，問到會否怕被看見素顏樣，她說：「都冇咩未見過，都一齊咗五年。（好似老夫老妻？）大時大節都冇咩感覺，以前都仲有，依家覺得唔使一齊過。人大咗覺得過唔過都係咁，有時工作度過咪補番食飯，都冇咩所謂。（感情點保鮮？）冇㗎冇需要，我覺得最緊要各自有嘢忙，冇時間去諗就OK，互相支持就係最好嘅保鮮方法。（仲會唔會準備驚喜？）送吓嘢都會，但唔會特登，見啱就買。」
來源 source: http://hk.on.cc
|
鍾意就快D Share啦！
|
|
|