掃呢頁CODE去手機

2017年9月3日 星期日

陳國峰:剪臍帶 陳國峰鬚根襯托「峰之子」出世 __,陳國峰,國峰,

恭喜晒!!去年結婚的「巨聲幫」隊長陳國峰(Penny)今日喺社交網宣布添丁,太太黃思雅為佢誕下囝囝,母子平安:「同大家報個平安,感謝大家嘅祝福同關心, ...


恭喜晒!!


去年結婚的「巨聲幫」隊長陳國峰(Penny)今日喺社交網宣布添丁,太太黃思雅為佢誕下囝囝,母子平安:「同大家報個平安,感謝大家嘅祝福同關心,托賴母子平安。感謝醫生與各位醫護人員 #我係陳國峰 #我係陳國峰個仔」

Penny上載咗囝囝啱啱出世嘅相,瞇實眼嘅囝囝面珠紅卜卜,雖然仲未睇得出到底係似爸爸定媽咪,不過Penny自己都擺張自拍做對比,唔知係咪佢全程陪住太太生產太頻撲,成面鬚根出晒嚟,似乎佢都要好好休息,準備照顧阿仔喇!

Penny就兒子出世向東網報喜:「今日係擇日開刀嘅,過程順利,但係我嘅心情就好似坐過山車咁,好刺激!好似以前參加歌唱比賽時等出場咁,心跳加速,手心出汗,太太都好緊張,我有入產房剪臍帶,依家仲未同囝囝改名,不過有個花名叫『峰之子』!好感恩!原定9月6日出世,但係上星期醫生建議早啲出世會好啲,因為媽媽胎水唔夠,咁啱!今日朝早出血,係生得嘅先兆。」感覺好似夾咗今日生咁!

留言一出,Penny嘅一眾圈中好友如朱智賢、周志文、吳業坤、楊潮凱等都紛紛留言祝賀新手爸爸。


來源 source: http://hk.on.cc
鍾意就快D Share啦!