2017年9月3日 星期日

雷莊 __,雷莊,

網上再選港姐好似有得諗喎!新鮮出爐港姐雷莊𠒇(Juliette)奪冠後惹來不少爭議,大批網友狂踩其樣貌,特別是其「突出」的牙齒,被指似足有「哨牙蘇」之 ...


網上再選港姐好似有得諗喎!


新鮮出爐港姐雷莊𠒇(Juliette)奪冠後惹來不少爭議,大批網友狂踩其樣貌,特別是其「突出」的牙齒,被指似足有「哨牙蘇」之稱嘅烏拉圭前鋒蘇亞雷斯,而Juliette一於少理,仲大大聲講:「I Don't Care!」咁有自信,自然亦有人撐同欣賞,上屆港姐冠軍馮盈盈同Juliette見面傾過偈後,覺得佢堅強又自信,即以過來人嘅身份,鼓勵對方一番,指港姐唔易做,背後有不少鮮為人知的辛酸史,但最重要努力做好自己,畀大家睇到佢哋努力嘅成績。

馮盈盈喺IG上載咗與Juliette同麥明詩(Louisa)嘅照片,難得連續三屆港姐冠軍同場,當然要嚟張合照,仲寫上:「三代同堂,很難得的機會,與師姐Louisa和師妹Juliette坐下來聊天談談港姐的點滴,與Juliette交談過後,就會發覺她是個很堅強和有自信的女孩,從她身上也好像看到一年前的自己,沒有受過風雨,就不會懂得雨後放晴之美,沒有經過低谷就不會欣賞高山沿路風景,回望當初,感恩當日一切經歷,壓力是成長最大動力,願我們師姐妹往後繼續互相扶持一起成長!」

雖然馮盈盈呢番說話好感動,但有網民一於少理繼續「搵位入」雷莊𠒇,有唔少馮盈盈嘅粉絲大讚偶像係三個人入面最靚嘅一個,又幫佢哋三個排名次,直頭好似網上再選港姐一樣!當然結果係一面倒,雷莊𠒇輸晒!有網民話雷莊𠒇係「香港最有自信小姐冠軍」,仲叫佢要虛心學習同反思自己,睇嚟網民都對呢位新出爐港姐有唔少不滿呀!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...