喂，係咪先？
影后惠英紅及影帝任達華到銅鑼灣出席英皇電影《Mrs.K》首映，獲英皇老闆楊受成、天后容祖兒及蔡卓妍撐場，曾國祥亦與女友王敏奕到場支持。
唔理票房成績
惠英紅曾表示這套電影是她最後一部動作片，她直言現在也沒有改變主意：「我講嘢實牙實齒，講咗就係，都驚愈拍愈差，不如留低好嘅作品！（有冇唔捨得？）有呀！一直都有，但有啲嘢見好就收，女人上咗年紀拍動作戲只會差咗。（滿意自己表現？）咁嘅年紀打到咁，我覺得都幾威！絕對交代到。（對票房有冇信心？）不嬲唔理呢啲，我做到自己最好表現就ok。（之前同呢位導演合作就拎影后，有冇信心再掃獎？）動作片就唔好期望太多，係難啲。」
操Fit唔怕露
惠英紅表示不再拍動作片，身旁的任達華即搞笑要邀請對方拍愛情動作片，例如他之前與蔡卓妍合作的《雛妓》類型：「佢（惠英紅）骨子裏性感㗎！啲小鮮肉會睇到流晒口水！一於拍一套《雛妓》老版，我做導演，將佢嘅性感散發出嚟！」惠英紅說：「我都知我個人好騷！（即係應承？）冇呀！睇吓劇本先！一陣佢話三點畢露咁點搞呀？起碼畀半年時間我操一操，露都冇所謂，但要操到最佳狀態！」任達華笑言平日在化妝車已見過惠英紅騷在骨子裏一面，講到曾表示想執導機場特警題材，他笑說：「電影界蓬勃，要開多幾套呀！《雛妓》老版係好睇嘅，劇本我搞緊㗎喇！」
來源 source: http://hk.on.cc
|
鍾意就快D Share啦！
|
|
|