網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年9月12日 星期二

抗癌成功!鄺祖德笑陳秋霞唔似病人 __,癌,鄺祖德,

鄺祖德話陳秋霞已經好番晒喇!70年代香港歌手、金馬影后,現年59歲的陳秋霞大方接受馬來西亞媒體訪問,分享其抗乳腺癌的心路歷程,其主診醫生,亦是姨甥女鄺 ...


鄺祖德話陳秋霞已經好番晒喇!


70年代香港歌手、金馬影后,現年59歲的陳秋霞大方接受馬來西亞媒體訪問,分享其抗乳腺癌的心路歷程,其主診醫生,亦是姨甥女鄺靄慧的歌手胞弟鄺祖德(Enrico)接受東網訪問時,透露阿姨的近況:「阿姨好番晒啦,佢依家唔喺香港,返咗吉隆坡屋企啦,佢一個月都會嚟香港一、兩日嘅,佢上年年尾做手術同接受治療,(好番晒?)好番晒喇。」

本身多白髮

問到阿姨可有接受切除身體部分手術?Enrico則說:「我呢個唔方便講喎,其實佢應該叫做康復咗,因為佢有做body check,好早期發現有事,上咗年紀真係要注意健康。」又指阿姨的銀白短髮是真髮,他表示:「佢本身都多白髮,以前keep住形象就染髮,但今次完全(患病期間)甩晒,佢初初喺馬來西亞出活動時都有帶假髮,有次慈善活動專登想分享呢件事,就將假髮除咗,變咗呢個新造型出嚟囉。」

胃口好好

Enrico又指阿姨上次返港是他邀請的,皆因譚詠麟及許冠傑是阿姨的多年好友,故邀請阿姨看騷。問他阿姨留港醫病三個月期間如何照顧對方?Enrico就話:「佢喺香港做緊化療時,就自己住番自己屋企,佢三個女喺馬來西亞輪流返嚟香港,好似交更咁陪阿姨,我就喺佢住院期間,陪佢打針同陪佢食嘢,佢好得意,冇喪失胃口,佢完全唔似一個病人,(有冇瘦過?)佢冇瘦過,病發直至依家都未變過,(打化療針好辛苦?)佢就冇,可能佢比一般人正面,又或者每個人對藥物反應唔同,佢冇辛苦、冇盛、冇嘔,好好胃口,口腔冇爛,打化療啲人可能會攰,好多副作用,但佢完全冇呢個問題,佢期間仲一、兩次返咗吉隆坡屋企處理嘢,由佢啲女陪佢來來回回,我家姐都叫佢小心啲,都係做緊一個治療,唔可以當自己冇病囉。」

其後,東網亦透過Enrico聯絡上身在吉隆坡的陳秋霞,陳秋霞表示:「多謝大家關心,我依家冇事啦,好健康,遲啲返香港見啦。」


來源 source: http://hk.on.cc
鍾意就快D Share啦!