掃呢頁CODE去手機

2017年9月7日 星期四

【獨家】坐輪椅現身街市監場 洪金寶霸氣點助手買餸 __,洪金寶,

俗語有云「再鋒利嘅刀都有生銹嘅一日」,年屆65歲嘅「大哥大」洪金寶,喺早前宣傳佢擔任動作導演嘅新戲《殺破狼.貪狼》嘅時候仲好精神,其實佢喺冇耐前先至喺 ...


俗語有云「再鋒利嘅刀都有生銹嘅一日」,年屆65歲嘅「大哥大」洪金寶,喺早前宣傳佢擔任動作導演嘅新戲《殺破狼.貪狼》嘅時候仲好精神,其實佢喺冇耐前先至喺香港做咗膝蓋手術,醫生仲叮嚀佢手術後要少走動,同減磅40磅。

而大哥大喺宣傳新戲嘅時候,依然堅持唔坐輪椅四出宣傳,真係非常專業。不過喺唔使做嘢嘅時候,佢都會好乖咁聽從醫生吩咐坐番輪椅,不過依然無損佢大哥大風範。

有讀者黃小姐透過「爆相爆片」話,日前見到洪金寶坐住輪椅喺上水街市現身,身邊有兩名菲藉男傭工同一名年輕女助手。行動不便嘅大哥大不失霸氣,指示助手巡迴街市內,黃小姐話:「見到有3個人跟住佢,一個菲傭推車,另一個幫佢拎嘢。佢應該都係常客成日去,見佢離遠未埋到菜檔已經叫話要買乜嘢,菜檔阿姐就幫佢執,位後生女幫佢畀錢,啲菜畀另一位男菲傭攞住,好有氣勢。佢成個指揮咁仲叫個男賓傭去左、去右。」

睇嚟大哥將片場嘅指指點點搬咗嚟街市,黃小姐仲話街市多人都認得洪金寶,個個都舉機影相,而大哥大任影唔嬲。黃小姐仲話大哥大望落佢都好精靈面色好紅潤,講嘢仲中氣十足,唔似啱啱做完手術。

(讀者黃小姐提供圖片) 日前有讀者喺上水街市見到洪金寶坐住輪椅現身。(讀者黃小姐提供圖片) 當時佢仲有兩名菲藉男傭工同一名年輕女助手同行。(讀者黃小姐提供圖片)
(讀者黃小姐提供圖片) 其實大哥大做完膝蓋手術醫生仲叮嚀佢手術後要少走動。(資料圖片) (資料圖片)

鍾意就快D Share啦!