掃呢頁CODE去手機

2017年9月25日 星期一

【係愛呀!】鍾麗緹嫁細一圈大陸男星 林心如霍建華由姊弟變夫婦 __,大陸,霍建華,鍾麗緹,林心如,鍾麗,中國,

舊式觀念,一對夫婦,最好係男大過個女嘅,感覺上好似係男照顧個女,但時代唔同咗,姊弟戀也是尋常事,而且圈中都有好多對星級姊弟戀夫婦,重點係佢哋平日都係s ...


舊式觀念,一對夫婦,最好係男大過個女嘅,感覺上好似係男照顧個女,但時代唔同咗,姊弟戀也是尋常事,而且圈中都有好多對星級姊弟戀夫婦,重點係佢哋平日都係sweet sweet嘅!

例如同蔡少芬演過情侶嘅張家輝咁,佢同老婆都係姊弟戀,不過佢哋之間只係差半年,同年唔同月啫。佢哋結婚10幾以嚟,雖然鮮有喺螢光幕前晒恩愛,但張家輝係出咗名嘅愛妻號,婚後關詠荷專心照顧屋企,張家輝則博命搵錢提供屋企所需,早幾年家輝喺香港電影金像獎再度封帝時,公開感謝太太照顧屋企,等自己可以安心出去打拼。(新聞連結: http://bit.ly/2yziT3t )

好似舊年結婚女嘅台灣女星林心如同霍建華咁,兩人年齡相差近4年,喺做咗10年朋友後,終於撻着兼修成正果,舊年舉行完婚禮,今年1月仲生埋B女小海豚,呢個三口之家勁幸福,媽咪心如極速收身,好快就復出,早兩個月又被目擊兩公婆拍拖睇戲,平日兩公婆各有各忙,但仲識把握時間拍拖,真係好難得。

同樣係喺舊年結婚嘅楊怡同羅仲謙,又係姊弟戀夫婦,女大男5年,但兩人之間啲恩愛事,真係可以用放閃嚟形容。單係謙謙個Instagram只係follow老婆楊怡一個可見一斑!幾個月前先被《蘋果》發現佢哋同埋張學潤(Nel Nel)等朋友喺鯉景灣食飯(新聞連結: http://bit.ly/2xy2tdf ),謙謙更被目擊服侍周到,所以就算佢哋婚後因公少見,但感情似乎好堅固。

而近年比較誇張嘅姊弟戀,可算係鍾麗緹(Christy)同細佢12歲嘅大陸男星張倫碩,曾經兩度失婚兼育有3個女嘅Christy前年同張倫碩因合作真人騷節目《如果愛》第二季撻着,舊年佢哋錄節目時,張倫碩突然向Christy求婚,女方更即時答應(新聞連結: http://bit.ly/2b9Rbzz )。而一對新人喺舊年11月更舉行傳統婚禮,Christy並喺3名女兒陪同下出嫁(新聞連結: http://bit.ly/2yyLPIB ),成件事,sweet到漏!

(資料圖片) 前年張家輝一家三口現身機場(資料圖片) 林心如同霍建華舊年拉埋天窗
林心如同霍建華早兩個月被拍到撇低囡囡小海豚去拍拖。(台灣《蘋果日報》圖片) 楊怡同謙謙舊年舉行盛大婚宴(資料圖片) 鍾麗緹同張倫碩舉行傳統婚宴

鍾意就快D Share啦!