做過N屆港姐司儀嘅曾志偉，用「慘不忍睹」形容今屆港姐！
藝人曾志偉今早準備到內蒙拍攝電影，昨晚臨行前與洪天明及周家蔚夫婦、湯盈盈及錢國偉等吃飯敘舊。提到今屆港姐具爭議性，志偉笑言今年沒有參與，但一直也有留意，他以「慘不忍睹」形容今屆港姐：「其實港姐參差每年都有，有時一年靚到不得了，有時一年會話『嘩咁差』，但節目水準先係最重要，尤其今年係港姐45周年，但變成一個為big big channel做嘅廣告節目，失去咗向港姐致敬嘅意義，依家致敬嘅竟然係big big channel，以我做過咁多年港姐，睇到真係唔舒服！」他指今年在特別環節上竟然整幾個big big channel公仔出來，製作未免強差人意。
賽制有問題
志偉又直言賽制是有問題，由最初全民投票開始，現又變成評判投票，他指還原基本步是最好，但全世界選美是由幾位最有品味的評判來評選，評判不應與導師身份重曡，因為導師自然也會有私心賣花讚花香影響評審。不過志偉最着重還是看製作，認為港姐向來都製作得富麗堂皇，是個有堅持的香港電視節目。
臨時臨急叫嘟嘟點講
對於鄭裕玲（嘟嘟）有兩票一事被擺上枱，志偉都替對方無奈：「佢可能已知道賽果，因為冇理由知道第三名但又唔知道第一、二名，感覺係好怪，所以臨時臨急叫佢點樣講呢？如果我做嘟嘟都唔知點樣好！」
植入式廣告有放寬空間
此外，無綫前年台慶中加插多個連鎖快餐店炸雞的鏡頭，去年被通訊局罰款15萬港元，無綫不服申請司法覆核。通訊局今年進行意見調查，發覺觀眾普遍接受免費電視節目服務中出現植入式廣告，認為有放寬限制的空間。志偉覺得政府需要去幫助每一個行業，指放寬植入廣告，電視行業定可重現曙光。
來源 source: http://hk.on.cc
|
鍾意就快D Share啦！
|
|
|