2017年9月3日 星期日

港姐:馮盈盈紅地氈晒鎖骨條裙爭啲甩 __,盈盈,馮盈盈,港姐,湯盈盈,

好靚呀~個鎖骨!快將卸任的港姐冠軍馮盈盈、亞軍劉穎鏇、季軍陳雅思和友誼小姐張寶兒出席假將軍澳電視廣播城《2017香港小姐競選決賽》。當中以陳雅思最為性 ...


好靚呀~個鎖骨!


快將卸任的港姐冠軍馮盈盈、亞軍劉穎鏇、季軍陳雅思和友誼小姐張寶兒出席假將軍澳電視廣播城《2017香港小姐競選決賽》。當中以陳雅思最為性感,以Deep V裙大晒三吋事業線;而馮盈盈大騷迷人鎖骨的露膊裝亦甚有睇頭,其裙子就有點鬆鬆哋,搞到她時不時都要拉起托番上去。

非常Sexy的陳雅思就指自己事前不知道自己裝扮如此:「呢條裙係Designer特別幫我設計,我都唔知個剪裁咁低,因為啱啱喺深圳拍完戲返嚟。不過都唔驚走光,做足安全措施。」而提到馮盈盈的裙似乎好鬆,不怕自己會走光的她即謂:「自己可能身材比較纖瘦,所以好似好闊咁。」更笑指自己上鏡時可以佔多點位置。

至於劉穎鏇講到最近與余德丞傳緋聞,指他們在台灣撻着,她即謂:「睇到呢段新聞都覺得好突然,因為都係去到台灣拍節目,先知佢喺嗰度。(撻着咗?)唔係撻着,都係成班出去出面食嘢咁。(有冇機會發展?)呢啲嘢好難講,依家都係專注工作先。(覺得佢追你?)唔覺喎,所以唔知點解會有呢個報道,都覺得佢係一個好男仔。」問是否特別喜歡大隻仔,她謂:「唔好太大隻囉!(接受到矮過你?)依家識嘅男仔多數都同我平頭嘅,唔會話係矮。」

談到張寶兒妹妹張寶欣有份選今屆港姐,張寶兒即指緊張過自己選:「叫咗佢食朱古力輕鬆吓,但呢幾日出去拍節目冇見過佢,直至到頭先化妝間先見到佢,同佢講加油。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...