掃呢頁CODE去手機

2017年9月24日 星期日

【獨家】與前妻黎燕珊有聯絡? 劉永情牽大陸妻:男人最開心係有一個家 __,大陸,黎燕珊,中國,

劉永,唔經唔覺已經66歲;喺觀眾眼中,大部份人都會諗起佢演秦始皇,再嚟句主題曲「大地在我腳下」(註:係羅家良唱嘅),有聲有畫面。於1971年入行,由小 ...


劉永,唔經唔覺已經66歲;喺觀眾眼中,大部份人都會諗起佢演秦始皇,再嚟句主題曲「大地在我腳下」(註:係羅家良唱嘅),有聲有畫面。

於1971年入行,由小生做到老生,喺鏡頭前嘅劉永,已經66歲,風采未隨歲月沖走。

再聯想到嘅,應該會係佢前妻黎燕珊,加上咁橋呢排呢對過氣夫妻輪流上娛樂牌,隔空「交流」,令呢兩個名近排又變熱門字。

1992年,劉永娶到亞姐黎燕珊,婚後育有一子一女,可惜兩人婚姻維持到8年又告分開,有傳當年女方被男方家暴,導致離婚,黎燕珊開過記招澄清,後來黎燕珊向法庭申請「人身保護令」,阻止劉永接觸一對仔女。

早前喺觀塘接受《蘋果》訪問講近況嘅劉永話:「都有打俾阿珊,經常都有同兩個小朋友聯絡。」

而劉永嘅前妻,其實仲有一個,就係佢首任妻子、台灣女星戴良純。

劉永喺1981年認識戴良純,3年後兩人秘密結婚,但婚姻只係維持咗14個月,1984年戴良純提出離婚,劉永以菜刀斬傷對方,被判兩年半有期徒刑,仲要賠償戴良純600幾萬台幣,折合當時大概160餘萬港元(新聞連結: http://bit.ly/2fhuJa1 )。劉永提出上訴,更在上訴期間潛逃返港。劉永喺台灣被通緝期間,其電影曾在當地被禁止上映。

劉永參演嘅戲喺台灣受到了禁制,不過最後佢選擇偷渡返香港,問到呢件往事,佢話:「已經冇事啦,早幾年我都有返台灣。喺內地由頭做起唔緊要,做人唔會事事順利,人生低落最緊要自己放得開、睇得開,喺內地我哋係『老牌新人』,好多人唔識你,唔識你可以點?『你以前做過主角咩?係咩?』邊個知?咪由頭做起囉。」

話晒紅過、風光過,但返到大陸發展要由新人做起,豈非屈就?但,原來劉永覺得係焉知非福,佢喺大陸遇到第三春,婚後育有兩名兒子,分別6歲同10歲,一提起屋企,劉永話:「男人最開心係有一個家,返到屋企叫你一聲爸爸,幾辛苦都唔記得。太太比我細30歲,返到屋企會有一種歸屬感。」

講到呢段感情,劉永笑言冇話特別去搵,亦唔似年輕人咁激情,只可以老土啲講係緣份令大家喺埋一齊。劉永喺微博不時貼出佢同囝囝郊遊、游水嘅相,之前嚟香港拍戲,都喺一家四口一齊落嚟香港住酒店。劉永話太太已經攞咗香港身份證,兩個仔喺大陸住,但喺香港讀書,佢話:「太太喺香港嘞,兩個仔坐校車好方便,車到門口送返學。」講到兩個仔,劉永一臉慈父本色話囝囝都有拍吓網劇,佢話:「我覺得唔影響學業,玩吓都冇所謂。至於大個之後就唔會理,亦都理唔到。因為兩個仔慢慢大會有自己思想,想要乜、想做乜,都唔到自己安排,做老竇嘅喺後面支持同鼓勵。」

(左圖攝影:葉君海) 劉永已66歲,入行已40幾年。 除咗演皇帝出名,佢嘅情史都好受注目。
劉永同戴良純曾秘密結婚(資料圖片) 戴良純於1984年提出離婚,更發生不幸事,劉永被判刑兼要賠償。(資料圖片) 劉永同黎燕珊育有一子一女,可惜最後分手,子女跟媽咪。(資料圖片)
劉永話現任太太比自己細30年,但返到屋企令佢有歸屬感。(劉永微博圖片) 劉永不時晒同老婆及囝囝出街嘅相(劉永微博圖片)

鍾意就快D Share啦!