掃呢頁CODE去手機

2017年9月10日 星期日

鄧達智長長久久婚宴 醫生老公:愛你一生一世 __,鄧達智,

鄧達智與陳梓欣舉行婚宴,啜爆晒恩愛!
鄧達智長長久久婚宴醫生老公:愛你一生一世鄧達智(William)與醫生男友陳梓欣在寓意長長久久的9月9日舉行婚宴,是香港第一對公開在港「結婚」的同性名 ...


鄧達智長長久久婚宴 醫生老公:愛你一生一世

鄧達智(William)與醫生男友陳梓欣在寓意長長久久的9月9日舉行婚宴,是香港第一對公開在港「結婚」的同性名人,William為炮製驚喜難忘婚宴給另一半,連菜式、Logo都絞盡腦汁,用上「烈焰紫蘿小鮮肉」及「象拔嬉戲海老鮮」,玩盡不文與肉麻,亦有深情無限發表愛的宣言,以及以兩人姓氏鄧、陳中間的部首串連一起,心連心融為一體。

59歲著名時裝設計師鄧達智(William)與44歲醫生男友陳梓欣(Clement)「結婚」,昨晚舉行婚宴,筵開16圍,邀請約200人見證這難得時刻,場地以浪漫粉紅為主,William花盡心思,親自設計Logo,將二人姓氏(鄧陳)融在一起外,菜式命名亦十分浪漫兼搞鬼,其中一道「榴槤忘返蝶雙雙」為紀念二人因榴槤而結緣,另一道「眾裏紅蟳千百度」,呼應陳梓欣的Facebook示愛貼文:「謝謝你在世界角落找到我。」盡顯深情。提到搞鬼不文菜名「烈焰紫蘿小鮮肉」及「象拔嬉戲海老鮮」,William說:「呢道菜係咕嚕肉,佢好鍾意食,而小鮮肉相對我嚟講,當然是指陳醫生!(象拔嗰道菜有啲不文?)係蝦同象拔蚌,係玩嘢啲。」

「喺佢身邊瞓得好!」

一對新人恩愛咀嘴多次,雖然William沒有家人出席,但Clement則有姑姐姑丈來支持,連續多晚失眠的William說:「尋晚瞓得好好,喺佢身邊瞓得好,以前同朋友一間房,一聽到抖氣聲就瞓唔到,不過同佢我就覺得好安穩,聽到佢嘅抖氣聲,就瞓得好好!」問到是否閃婚?William說:「對我嚟講,唔係啱嘅感情,三個月都已經變質,我哋認識年幾,對我嚟講好長,我可以連續喜歡一個人,係呢一個咋。」他又引用Sting歌曲《Shape of my Heart》:「我希望Take good care of his heart!希望佢都Take good care of my heart!」來講愛的宣言,Clement則說:「我日後日子陪着你走,愛你一生一世!」

二人在台上交換戒指,大騷婚戒。
  • 二人在台上交換戒指,大騷婚戒。
陳梓欣與鄧達智交杯,還畀對方高分:「今日畀80分,拎A喇!」
  • 陳梓欣與鄧達智交杯,還畀對方高分:「今日畀80分,拎A喇!」

唔會帶Clement返祠堂

至於彼此相處可有要改善地方?Clement說:「唔期望佢改變,我希望我做得好啲,去接受本身嘅佢,一段關係先會維持得長久。(佢為你放棄近億祖業感唔感動?)好感動!」William直言:「佢唔知(口架)!我冇同佢特別商量。係要嘅,屋企嘢,係要一代傳一代防止佢哋擔心點處理。」談到壓力,他指Clement做醫生是傳統行業,而他則相反:「我返屋企就有壓力,家族條村有幾千人,元朗係好保守,做設計師已經破天荒,又搞單反傳統事情,但我係忠於自己,而唔係傳統,我人生唔可以為人哋生活,而放棄我自己信念。」會否帶Clement回村中祠堂?William直言:「如果能夠做到呢樣嘢,我屋企人就會喺度(婚宴),唔好玩嘢,我都唔會咁做,呢個唔係我性格。」婚宴開始後,二人在台上交換戒指又合卺交杯,咀足十秒,William表示平時不戴戒指,是命運安排戴上這戒指,他又在台上稱呼老公「天然嬌」,十分肉麻。

文:名人組






鍾意就快D Share啦!