掃呢頁CODE去手機

2017年9月27日 星期三

仙氣強!林愷鈴作曲填詞自彈自唱冇得輸 __,林愷鈴,龔慈恩個囡,

咁好聽嘅喂?!藝人龔慈恩的女兒林愷鈴(Ashley)出名有仙氣,外形似足索爆媽咪龔慈恩,喺一眾星二代之中突圍而出,雖然佢講過冇特別想入娛樂圈,又指要以 ...


咁好聽嘅喂?!


藝人龔慈恩的女兒林愷鈴(Ashley)出名有仙氣,外形似足索爆媽咪龔慈恩,喺一眾星二代之中突圍而出,雖然佢講過冇特別想入娛樂圈,又指要以學業行先,不過佢身上天生嘅星味真係撳都撳唔住,次次現身都成為追訪對象。

話就話未諗入行,不過17歲嘅Ashley就係滲出一身星味,原來佢仲好有音樂天分,今日龔慈恩就上載咗囡囡Ashley同另一個女仔朋友自彈自唱嘅短片,手執Ukulele嘅Ashley完美展示佢嘅音樂才華同好歌喉,真係高音甜、中音準、低音勁,加上龔慈恩仲大爆首英文歌係Ashley作曲加填詞添:「就在後樓梯,一個Ukulele、一個電話、一個電腦,一個最原始的製作,2個17歲少女的疑問控訴。女兒自己作曲作詞,青蔥歲月,青蔥的創作😆Double Standards - music n lyrics by Ashley Lam」

嘩,使唔使咁有才華呀!唔怪得之啲網友都瘋狂留言勁讚Ashley又靚又叻,加上佢仙氣十足,仲留言話如果佢加入娛樂圈,絕對係個明日之星呀!


來源 source: http://hk.on.cc
鍾意就快D Share啦!