2017年9月9日 星期六

【為愛放棄千萬祖業】勾手指頭貼頭 明日舉行婚宴 鄧達智婚照曝光 __,鄧達智,

著名時裝設計師鄧達智(William)與拍拖一年的外科醫生男友陳梓欣(Clement),早前於私人飯局中訂婚,兩人決定於下年6月在英國註冊結婚,明天會 ...


著名時裝設計師鄧達智(William)與拍拖一年的外科醫生男友陳梓欣(Clement),早前於私人飯局中訂婚,兩人決定於下年6月在英國註冊結婚,明天會在尖沙嘴舉行200人婚宴,和摯友良朋一齊開心慶祝。

大日子臨近,William坦言早幾日已瞓唔著:「希望今晚瞓到盧覓雪已經笑我有兩個大眼袋,叫我去做facial,今晚一定要乖乖地瞓到。」

至於老土肉麻嘅愛的宣言,William笑言冇諗過:「唔會講呢啲喇,用我自己方式表達。」每年鄧氏盤菜都總有幾百人大場面,William 自己都冇諗過會咁緊張,「有啲忐忑,冇咁嘅心理準備。以前係大家一齊玩,依家真係對自己嚟講係一件大件事囉。」

雖然抗拒世俗儀式,但William早前仍和未婚夫一齊影了結婚相,由攝影師好友Ringo Tang操刀。時尚黑白婚照見到兩人著上西裝、禮服,一時頭貼頭、一時勾手指,溫馨自然,傳達執子之手的意思。「其實大家都係隨意執咗幾套衫去,去到studio又襯到,出嚟效果好滿意。Ringo任我哋鍾意點就點。陳醫生唔慣面對鏡頭,我帶一帶佢咁。」原本結婚相仲有兩人白背心、短褲的家居照,但兩人最終決定不公開,自己收藏。

相關新聞:

【我唔可以失落咗佢】分晒俾子姪

鄧達智為與醫生男友結婚 放棄千萬祖業

http://bit.ly/2uS9dCA

謝謝您在世界的角落找到我(鄧達智)

http://bit.ly/2uJdozT



時尚黑白婚照見到兩人著上西裝、禮服,一時頭貼頭、一時勾手指。 鄧達智話影婚照當日只係隨意執咗幾套衫去,「去到studio又襯到」。


這輯婚照在攝影師好友Ringo Tang操刀。

鍾意就快D Share啦!
Related Posts Plugin for WordPress, Blogger...