掃呢頁CODE去手機

2017年9月7日 星期四

【港姐唔易做】三個冠軍齊齊捱負評! __,港姐,

港姐冠軍真係一啲都唔易做呀!上屆港姐冠軍馮盈盈喺IG上載與麥明詩同雷莊𠒇合照,剛出爐的雷莊𠒇飽受網民評擊,馮盈盈以過來人身份鼓勵對方,其實每年新鮮出爐 ...


港姐冠軍真係一啲都唔易做呀!


上屆港姐冠軍馮盈盈喺IG上載與麥明詩同雷莊𠒇合照,剛出爐的雷莊𠒇飽受網民評擊,馮盈盈以過來人身份鼓勵對方,其實每年新鮮出爐港姐都會被大起底,緊接而來嘅係一大堆負面評擊,麥明詩、馮盈盈同雷莊𠒇都經歷過呢個階段。

「十優港姐」麥明詩喺2015年成為港姐冠軍,憑着高學歷而成為港姐界嘅一時佳話!但入行無耐就被指「離地」,又畀人話佢人緣麻麻難相處,而當被問到關於林作嘅事,Louisa仲即刻「起晒槓」。時間令人成長,依家麥明詩變得成熟圓滑,講嘢大方得體,由「離地港姐」變成「貼地港姐」。

馮盈盈2016年當選冠軍後,被揭露佔領運動期間曾喺社交平台連環爆粗,即被冠以「粗口港姐」稱號,外表斯文嘅佢原來係「小辣椒」。其言論被廣泛報導後,馮盈盈解釋當年「年少無知」先會發表較激烈的言論。粗口事件對佢來講亦一個好大嘅警惕,深深明白無論係小人物或大人物,對自己嘅言論都要慎言,因為言論一出,無論過咗幾多年,仍會對個人自身有所影響。

應屆港姐冠軍雷莊𠒇當選後飽受負評,除了批評大會賽制唔公平令佢奪冠外,又被起底指有個富爸爸,但最多人討論嘅係佢個樣貌,唔少網民狠批佢口大,而且牙齒太「突出」,似足有「哨牙蘇」之稱的烏拉圭前鋒蘇亞雷斯!


來源 source: http://hk.on.cc
鍾意就快D Share啦!